TSÜCHITAO 18
18
1Maiye koa hrüzholou sümoyu mai lisü lah puh jüpa likhei phouta-a baiwe; mai hrülai nou kaore tea buyuma puletao hai aetou moe.
2Voyu mai linou tsüsüyu hinou savayu sü hae, ana lah puhvei tsüchoyu nasü paopa loure donou likhei te-a baiwe.
3Hashi alia mah sü koa tazhowe. Nevei khekai hare touyu thaisü, ne hraongu sü ngao-a bailai.
4Mai livei chipao sü thoushoa buyu dzü, veisho-a kütayu reitou ali büa ratsü sü bulou veie.
5Mai ashimai liye souku peiyu hai veimoe, moa achechemai liye panou züna ngaomoyu hai kaomoe.
6Vomai livei mütai nou züveiyu pove peiwe, alia puh mü nou süra dapeiyu khowe.
7Vomai livei mü hai puhvei hakayu baie, ae puh mütai hai puhye donou rüh baie.
8Kheichi paomai livei chipao hai touvei shoyu touso ali büa baie; sütao nou vasou khevai louta-a baiwe.
9Heakayu maili hai soukanghi peiyu mai bütoua baie.
10 Mapao vei zhih hai khoushoyu reihbu alie, acheche mainou sühi tuvelou-a zhouvei ngaolouwe. 11Toungi mai chingi sü puhvei khouyu nuhdue, ae kuyu kivo ali büa puhye vupeiwe.
12Hakatayu vemojüo mai li le hai maiye ngaohia baiwe, ana tainou souyu nawo tsükhou peiyu jünou ra-a tawe.
13Chila peimo jünou mai chi sü keitou louraio, sübüa soulou moyu thaio, süsü lah nevei voyu alia hraongu baie.
14Mailinou sounouyu shamea lousüe, ana thaonou le pepoyu sü mealoulai?
15Tsüveiyu mai linou tsüdo pojü louwe, alia tsüveio nou tsüdoye phouwe.
16Mai livei sapeina nou puhye donou buh soukhai peiwe, alia puhye adusomai nghoujü hi save peiwe.
17Chi-lou kuyu phaki, puhvei zü rai-a paoyu nanou kaoyu büa baiwe, mai kukhe navei zü tave paomo jüwo.
18Khouko bushoyu mai ahai vei chi-lou kuyu phaki, rako dazhuyu nanou züveiyu hai akhai soupeiwe.
19Thaihou jürai maivei soukha peiyu haio khoushoyu nuhdu ali büe,#18.19 Hebrew hi sheesha timoe. ana züveiyuwo ki aduli hinou kivo khaku khaitouyu büa baie.
20Puh mü vei rashithou nanou mai lisü rukha loulai; puhvei mütai vanou shipeiyu thou sünou puhsü toulai. 21Athai ae ahri sü nevei mali khouko hi bue, alia sünaye leshiyu maisü süna vei thou toulai.
22Maipfü ngaolouyu mai nasü havei li ngaoloure, alia Mapao hinou puhvei jüpa sü ngaoloure.
23Touha mai nasü ra-a khowe, ana toungi mai nanou chi-la shi-a chila pei baiwe.
24Samai kamaio khaokhao tisou-a samai soua baiwe, ana samai kamaio thaihou jüraimai jünoua hei-a thaoyu bue.
Currently Selected:
TSÜCHITAO 18: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
