TSÜCHITAO 12
12
1Maitalia paodou peiyu sü leshi louzü tsüdo ye leshiwe, ana tudee peiyu naye ngaorayu mai nasü vode.
2Mai aveih mainou Mapao vei jüpa ngaoloue, ana shodo ashi souyu maiye puhnou ngaorae.
3Shodo ashi souyu mai sü halia soushuloulai moe, ana acheche maivei kamaa sü lükhai tilai moe.
4Chapfü veihli hai maipuo vei peirüe, ana haongu pfüve thouyu chapfü louzü puhvei rao hinou tahngiyu büa baie.
5Acheche mai vei tsü louzü züwe; mai ashimai vei dou-apei louzü shodo ashi sü baie.
6Mai ashimai vei chipaotao louzü maiye southare donou dah-a bubaie, ana acheche maivei chipao sünou puletaoye vupa peiwe.
7Mai ashimai sü popa laihwu bailai alia hakata-a bailai, ana acheche maivei kikhamai louzü laloulai.
8Puhvei tsüveiyu na thaifüa puhye mainou paosho-e; ana kaozü moyu tsü pfüyu maiye sü mainou ngaorae.
9Tai-noutou soua lah vah souyu mai nanou mai nghoujü hinou duso zhaisou-a toure ha-a buyu na jünou veipu hie.
10Achechemai lisü puhvei kikhaorütao ye soutaosoua kiko peiwe, ana mai shimai louzü zhaipou shisho-a baiwe.
11Kounou shoa tatayu maina sü touso alao bulai, ana komoyu vah liye thaihu-a laiyu puh sü tsü ha-e.
12Mai ashi navei ki hai khousho-a soukhaitoua buyuma shita baiwe, ana acheche maiwo soutaosoua maa tsülou latsü loulai.#12.12 Phoure 12 nahai Hebrew hi sheesha timoe.
13Hashi soumai nawo lah puhvei chipao hinou muloua baiwe, ana acheche nawo veahore hinou turei paloua baiwe.
14Nenou chi paoyu ae soupfü khaitouyu thaifüa ne sü buu ngaolai; lahnou souyu vah sü lah hi dakhai velai.
15Vomai liwo teisa nou lah puhye kao-e tea baiwe, ana tsüvei maiwo mainou paodou peiyu züa tawe.
16Vomai livei kheitsü hai mainou sühalou baiwe, ana tsüvei mai louzü mainou hrao soupeiyuma shamea loua baiwe.
17Cheche chi paoyu puhnou kaozü nasü souwe, ana da shaki souyu nanou shodo ashi chi paopeiwe.
18Paohahayu chipao sü khoche nou khüyu büa baie, ana tsüveiyu maivei chipao sünou maiye souvei peiwe.
19Dayu haio teile daotili donou baie, ana checheyu louzü teisa nou hria bukou loulai.
20Ashi do phoua buyu mai lüthou hisü shodo ashi nou bue, ana haveih soure donou tsüchoda-a bumai louzü lesayu bue.
21Acheche mai hi veahoyu hai vepalai moe, ana mai ashimai louzü veahoyu nou phoua bu bailai.
22Dayu mütai hai Mapao nou ngaorae, ana puhvei chipao thaifüa vah souyu maiye sü puhnou jüpae.
23Souzü süyu maili nou puhvei tsüdo hai pokhei khailouwe, ana vomai nou puhvei kaomoyu tsü hai sha-a laiwe.
24Kounouyu mai linou maiye tukhasa-a hrülai, ana heakayu maina louzü mai qila soua bailai.
25Dopfüyu hai nanou maiye soukhao baie, ana chi lako aveih linou puhye sousava peiwe.
26Acheche maiwo puhvei samaitaoye kaozü hinou süthaisa-a tapeiwe, ana mai ashimai luduwo puletaoye süthaimah peia baiwe.
27Hikei mai liwo puhnou phoua buyu nasü ngaoloulai moe, ana kounouyu mai linou muteiyu nangi ngaoloulai.#12.27 Phoure 27 nahai Hebrew hi sheesha moe.
28Checheyu maivei ludu hai hriyu nasüe, ana hashi souyu maivei ludu louzü athai sü baie.
Currently Selected:
TSÜCHITAO 12: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
