JOB 40
40
1-2 Mapao nou Job hi paoe:
Job, ne hali hala soulou süo Ramai ye vawe;
Chuo ne vapu moa bailai deho,
chinou-a buyu chitao khe peilaige?
Job
3-4 Mapaowo, E vo-a nou chi paowure. Enou dai chila peilou khailai?
E halia paopure donou tepu khailai more.
5Enou paozüa buyu jünou la-a paopare.
6Süthaisü Mapao nou teikhai teirü hrohinou Job hi chi paopu peie.
Mapao
7Chuo ne poutumai ali büa sah khyavealoua latsülo,
ae Enou nouyu chitao sü chila peikhaio.
8E hai mah-zü thaifüa vah soumoe tea ne paolaiwu?
Ne Eye paomah peiwua lah ne züa baie tea soulaiwu?
9Ne Enou khouyu büa khouwu?
Nevei paila hai teisüyu büa chipaoshu avei pai railou süvu?
10Sütoulouzü ne-a lah tsükhouyu ae khaophu soulou veiyu mai ali soua tashu lalo,
alia aduso ae aveih ava nanou sabanü soua banoulo.
11Khaophou souyu maitaoye zhukhaio;
nevei lekha rarou nanou puletaoye sounakou khaipei khaio.
12Ovai, puletaoye zhuloua painakou khaipei khaio;
mai ashi maitaoye puletao nou la-a buyu buh hinou khoukhao peikhaio.
13Puletao mai hrülaiye sü deikhe daovu khaio;
ae athai maivei teidei hinou phukhai peio.
14Sütoulouzü neye paoshoyu sü Enou rairai khana soupeilai,
alia ne hai lah nenou veilou ngalou-a baie tea E-a aetoulai.
15Behemoth tea kuyu khaona adu nasü zhukhaio, Enou neye soupeiyu büa puh-a soupeie.
Puh sü cho büa pou touwe,
16ana puhvei pfüphao hai daizhou koute khouchi-e,
ae puhvei vasou hi daizhou koute khouko bue!
17Puhvei mi sü sedar süü ali büa bue,
ae puhvei phi hi souke buyu taosü khouchishoe.
18Puhvei raotao hai baosahu büa chiwe,
ae puhvei phi sü hu büa khou-e.
19Enou soupeiyu avei bashatao hinou khupa palai nasüe!
Puhye Soupeipu likhei puh jünou ngalou süa baie.
20Puh sü pou tou-a rekhaonatao nou ko-a buyu deichi hinou dupa-a baie.
21Puh sü raishu hrohinou züe,
ae dzüta bvü hinou hrüa buyu pou hrohinou tutsüa buwe.
22Reipe hi hrüyu poube ae süübetao nou puh vei baibuh soupeie.
23Reidzü dukouyu sü puhnou piyu hae,
Jordan rei nou dupa puhvei pah shopei-a buyuma puhsü kaonasei tea bua baiwe.
24Thaonou puhvei nghithou soushawua puhye nülou süe?
Thaonou puhye rüh hinou muloua puhvei nghou voupei lousüe?
Currently Selected:
JOB 40: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
