JOB 35
35
1Elihu nou paoe,
2Job, ne Ramai nghoujü nou mah hae tea paoyu hai paozü moe.
3Mokhai-a avei mahmo vanou neye donou daio shiyu bue,
ae E mah soumoyu vanou daio veipuyu bue tea paoyu paozü moe.
4Ne alia nevei samaitao buyu hinou E avei chila hai peinüe.
5Tei hi zhukhaio, teihaotao hai daizhou koute ku-a nou zhingaowe!
6Nenou mah souyu donou Ramai ye soushi hae,
nenou kaomo zümoyu vah alao vanou Ramai ye daiyu buwu?
7Nenou cheche-a hrüyu nanou Ramai ye soukhayu buwu?
Ramai nou nevei soukha pore ali-a hae.
8Nenou hashi souyu nanou mai kukhe liye souveayu sü bue,
ae nenou vah aveih souyu nasü mai kukhe maitaoye soukhayu bue.
9Maikhe maiye souvea peiyu phaki, puletao hai lüwe;
puletao nou kra-a puletaoye vupa peire maiye phoutawe.
10Ana puletaoye Sou-apeio, puletao nou veasho-a buyu teile hi puletaoye areih peiyu Ramai hisü velou moe.
11Eletaoye tsüdo aveih peiyu Ramai, hrikhaona kukhe jünou tsüdo veipua peiyu Puh hilao pah pfürei velou moe.
12Puletaoye soukha peio tea kra-a nou khowe, ana Ramai nou kei peimoe,
daiolouzü puletao hai khaophu soua ashi vah souyu mai baie.
13Puletao hai hamako hinou kra-a rawe;
Khoukhoulai Ramai nou puletaoye sü ngaomoe ae puletao vei pai choumoe.
14Job, nenou Ramai ye ngaomoe tea paowe;
ana zhukhaio, nevei chikure zü nasü puh nghoujü hi bue.
15Ramai hai mahmo souyu maiye tukha peimoe,
ae mah sü puhnou lelou pei bae tea nenou chowe.
16Nenou paokhai paokhai-a buyuma hamako baie,
daiolouzü nenou paoyu chi khesü dai paowe touyu hai lah ne-a sümoe touyu sü sheesha tea ngaoloure.
Currently Selected:
JOB 35: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
