JOB 33
33
1Chuo Job, avei chi-a keinou peikhaio,
Enou paoyu hisü lenou-a kei peio.
2E chuo chi paota laire, paopare chipao taosü avei lee phatou hi bure.
3Ewo dayu chi paolai moe,
acheche chi pao-a bailai.
4Ramai rako nou Eye soupeie, halih soulousüo puhvei ssü nou avei hrirai soupeie.
5Nenou chila peilousü louzü tudaloua nou peikhaio.
6Ramai nghoujünou ne ae E sü raibüa baie,
konai nou soupeikhei-a baie.
7Ne Eye pire hae, E-a neye soushi khaitu laimoe.
8Nenou haibüa paoyu sü Enou chou-e:
9“E mah soumoe; E kaomoyu vah halia soumoe, Ewo mah ha-e.
10Ana lah Ramai nou avei mah phoupaloua Eye sü ngaoba zhubamai ali büa poloua bue.
11Puhnou aphi sü hurai nou khiloure,
alia avei phika teitei chozhua bue.”
12Ana Enou paowe, Job, ne mahwe.
Ramai sü Emai jünou du hie.
13Nenou vamoa chi paoyu khesü halia kei-nou peimoe tea Ramai pei hi daisounou ne chi paokhaiwe?
14Ramai nou paokhai paokhai-a buyuma mai linou-a lelou-a puhvei chi sü keipei moe.
15Kheiki mainou zhi-a buyu teile hinou Ramai nou zhiho mekou ae zho kounou chaku peiwe.
16Puhnou puletaoye panou puhvei chi khesü keinou loure donou paopeie,
ae puhnou paopi peiyu khesü puletao nou ngaopi loue.
17Puletao nou mahmo souyu sü thaowure donou Ramai nou paopi peie,
ae khaophu soumore donou paopeie.
18Puhnou puletaoye sü panou souhawu laimoe;
puletaoye athai hinou-a khailupa peie.
19Ramai nou sou-nou seive mai aliye souzü peiwe,
alia akia pfüphao teitei hai sou-nou seive phou peie.
20Sou-nou souyu mai sü ha tounüyu hae,
touveih shoyu touso koute-a tounü moe.
21Puletao vei vasou hai kirürüloua rao khaikho ngao-a baiwe.
22Puletao hai athai maivei teidei hi talaire tea bure.
23Ramai vei rakivamai thethe hrohinou kamai-a puletaoye soukhare donou tave
Etao nou souzü pfüzü khesü doupei-a malae.
24Zhuvea leshi hinou rakivamai nanou paolai, “Puletaoye phapeio!
Puletaoye panou athai maivei teidei hi holai mohie.
Puletaoye phapeire donou muh sü haihi bure.”
25Süthaisü puletao vei vasou hai nahle puloua khouchi loulai,
26puletao nou veachi paoyu sü Ramai nou kei-nou peilai,
asa shoa puletao nou Ramai ye tholai;
Ramai nou puletaoye souzüpu peilai.
27Puletao mai hrülai nou haibüa paolai, “E mahwure.
E ha veih ali-a soumoe, ana Ramai nou leshi-a Eye khailu papeie.
28Ramai nou Eye panou athai maivei teidei hi tamore,
chukoute-a Eye panou hri-a buhie.”
29Ramai haibüa soupei khaikhai-a bue;
30mai alili vei hrirai hai puhnou khailu papei-a puletao hi savayu sü peie.
31Chuo, Job, Enou paoyu achi sü keilo;
ne raokhai moa Eye panou paokhaio.
32Ana nenou paore bue toulouzü, E-a nevei chi-a keilai;
E asasho-a nevei zü nasü süpeilai.
33Paore hae toulouzü, ne ngasou bukhaio alia achi kei khaio,
Enou neye tsüdo aveih nasü doupeilai.
Currently Selected:
JOB 33: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
