JOB 28
28
Tsüdo ye Paoshoyu#Chime 28 Chime haina hai thaonou paowe touyu sü Hebrew hi loumoe.
1Shahu hepa loure buh bue,
sana hrüpayu buh alao bue.
2Mainou hu sü deikhe nou hepa louwe,
chuh hinou pousha hu hrüpa louwe.
3Thoushoyu alia zhishoyu buh hi koute mainou loulai tea tewe.
Dei hai kazhou koute thou-a busa touyu dei vei akhai süloure donou tewe.
Thoushoyu alia zhitei touyu buh hinou lou lya chuh hepa louwe.
4Mainou hrüyu buh hinou dousho-a mai linoua ve phi heakhai moyu buh hi koute,
maikhe mainou deikhe nou payu na phoutawe.
Buh sühinou lah likheiyuma vah souwe.
Thoushoyu deikhevai nou rai khipfüa talou vah souwe.
5Deiphao hinou thoudzü ae vupou hrüwe,
ana raibütoua buyu deiphao, deikhevai hai pepo sasa-a bubaie.
6Deikhevai buyu chuh hisü daizüzüyu mutei chuh lou bue,
alia deiphao seinai-vounai hi-a sana louwe.
7Tei lüche hai mutei na payu ludu ngaomoe alia rashopeiki hai buh sühi zhaove moe.
8Paokhaodu ae soukhaona koute-a sübüyu zei touyu ludu hi ta-a moe.
9Khou khoulai chuh-lya nasü mainou daowe,
deichi phi koute helai peiwe.
10Chuh-lya hinou qulu voupoa puletao nou deikhe mutei chuh phoupa louwe.
11Rei dzü kepayu dzühou hinou deikhevai hethou kukhaitoua buyu mutei nataosü ngaolouwe.
12Ana tsüdo ae ratsü hai daikinou ngaoloulai?
Etao nou süloure donou buh daiki nou taho douloulai?
13Tsüdo hai deiphao mai hinou ngaolou hoe,
maili koute-a tsüdo vei muh hai cheche-a sümoe.
14Paowe, tsüdo ae ratsü sü thoushoyu dzüdu alia zaidu khevai nou ngaolou moe.
15Tsüdo sü sana raka nou hrülou hoe.
16Muhtei teilai sana mukta koute-a tsüdo vei muh railou hoe.
17Sana raka jünou muh teihie,
veih veilai sana nou souyu bvü ae leirei pai junou muhtei hie.
18Tsüdo hai mutei chuh tyatyalih jünou muh teisho hie,
sana mukta koute-a tsüdoye paokha louhoe.
19Tsüdo hai mutei chuh alia sousheesha toua khaitouyu sana ye paokha paonada louhoe.
20Sütoulouzü tsüdo hai daikinou payu bue?
Daikinou doulou-a süloulai?
21Hrikhaona talinoua mokhaia tei hi zhaoyu raohou ali koutena sülou hoe.
22Hakayu alia athai nou paoe,
sünasü mainou pao kuyu pai likhei süyu baie.
23Tsüdo vei ludu sü Ramai likhei nou sü-a baie,
alia tsüdo sü daikinou bue touyu Ramai nou sü-a baie.
24Deiphao vei akhai koute Ramai nou zhu-a bue,
alia ratei khe hinou buyuna veishi Ramai nou süwe.
25Daisounou touyuo Ramai nou teikhai hi khouko peiyu phaki
alia zaidu hai duyu haizhou koutelai tea lü peiyu phaki,
26Puhnou teirüye daiki rükoulai touyu ludu,
alia tei sü-a teireiyu ye tare ludu paopeiyu phaki,
27Puhnou tsüdo hisü zhue alia tsüdo vei aveih ae koyu sü soutaosou zhulou-a Puhnou hai hai veire tea nou ae cheche tea aetou peie.
28Ramai nou mai hi paoe,
“Tsüdo veiloure donou neletao hai Mapao ye tsükhoulo,
alia tsü süloure donou neletao ashi hinou tareilo.”
Currently Selected:
JOB 28: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
