JOB 18
18
Bildad
1Süthaisü Shuh puona Bildad nou chila peie:
2Job, ne chipaoyu taibailai mohiwu?
Nenou ngasou bua Etao chi kei peiyu thaio Etao nou chi paolai hie.
3Etao hai cho-ngha büa tsü hayu mai-e touyu ne kabüa cholouwe?
4Nevei lekha rarou nanou lah neye souvealou baie,
ne raroure tea nou deiphao hi bumoa tabai laivu?
Neye panou rukha loure donou Ramai nou deichi sü buh poda peikhai laivu?
5Mai ashimai vei ava nasü sounghei bailai,
puh vei meikei sü keipu moa nghei-a bailai.
6Puh vei sahpao hi meiva nasü maita-a bailai.
7Puh vei phika tsüshoa buyu nasü chuo lelouho loure,
puh sü kaotare alia lah puh vei rüh hinou lou muloure.
8Puhnou rüh southou khaitouyu hi phika kakouyu donou puh phi sü rüh hi louloure,
9rüh nou puh vei phi sü mutsü touloure.
10Deiphi hi rüh ali southou kupei khaitoue,
puh vei ludu hi rüh southou peikhai toue.
11Puh vei pehao teitei sü ngaopiyu nou sühaopfüa buloure,
ae puh vei phika teitei hisü thaifü poa taloure.
12Puh sü ha ngimai ali soue, ana chuo touhamai ali soure,
hakare tyatyalih nou puhye sü sühao poa buloure.
13Sounou rashi nou puh vei pfüphao teitei taoloure,
süvanou puh vei phi bah koute tangure.
14Puhnou kaozhou vei-a hrüyu sahpao hinou puhye sü paide pawure,
alia puhye sü süthaisa-a Athai vei Veo hi vere.
15Rashi lalou more donou puh vei sahpao nasü poudzü thou kavuloua mai tarali noua lou bulou veire.
16Puh vei maa ae botao sü kitare.
17Puh vei zhih aveih sü ki hia ae vakou mai hia akhai soure,
mai ali koute-a puhye sü lichopu more.
18Puhye sü ahri maivei teidei hinou hulaiwulai,
ava buh hinou azhi buh hi huthou khaiwulai.
19Puh sü tyaonah ae kityarai mai ali-a hare.
20Teinghi palova nou poa teinghi loulo koute hai puhnou veayu ko choulou-a mai kavavalai.
21Mai ashimai ae Ramai ye tsükhou moyu mai nou veahoyu sü haibülai.
Currently Selected:
JOB 18: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
