ISAIAH 15
15
Ramai nou Moab Maiye Souhare
1Moab donou paopeiyu chipao sü haitao-e:
Ar ae Kir nuhdu ahai sü khei-zhou ali hinou souhare, alia Moab maivei teidei teitei sü soushikhai touwure. 2Dibon hi hrüyu mai khesü kuyu buh kinou krare donou tare. Moab hi maitao sü Nebo ae Medeba nuhdu donou kra-a bure, puletao vei pishu ae khoumai khesü sai-a dopfüa bure. 3Puletao nou ludu kinou soukou/ngulousah banouloua dopfüa laire, alia kipei kinou ae kijüdu kinou kra-a dopfüa bure. 4Heshbon ae Elealeh mainou dopfü krayu paisü Jehaz hi koutea choukoure; südonou Moab hi reihmaitao-a ngaopisho-a bure. 5Moab maiye donou ale vea-a kra-e! Puletao nou Zoar hi, ae Eglath Shelishiyah hi shetumai soua tave bure, kamai-a kra-a nou Luhith ludu hilo tukhe-e, kamai-a nou shusou kra-a Horonaim ludu hilo tare. 6Nimrin hi reitou nasü thetare, reipe hinou buyu poudai khesü thaitare, poudai khesü lapapu more, daiva-a buyu teitei sü hazhi toure. 7Südonou maikhe maisü puletao vei buyu nangi khesü poloua dzü buyu Willows Deikho hilo hrülai tyanou tutare. 8Maikhe mainou krayu paisü Moab maivei deirai teitei hi chouve khaire, puletao nou krayu pai sü hai Eglaim ae Beerelim nuhdu hi koute-a choure. 9Dibon nuhdu hi buyu rei teitei sü zhe khaibaire, ana Ramai nou sühi hrüa buyu maitao hisü hai jünou shi pua soulai hie. Moab teidei hinou tupa louyu maitao ae shokhaitoua buyu mai hrülai hisü veahoyu peipu lahie-e.
Currently Selected:
ISAIAH 15: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
