ZAKARIA 5

Lehkhabu thlâwk hmuh thu

1Ka han dâk a, ka han hawi vêl a, lehkhabu zial thlâwk duai duai ka hmu a. 2Ani chuan, “Eng nge i hmuh?” a ti a. Kei chuan, “Lehkhabu zial thlâwk duai duai lai ka hmu, tawng sawmhniha sei, tawng sâwma hlai a ni,” ka ti a. 3Ani chuan, “Hei hi ram puma thleng tûr ânchhe ziakna a ni. A phêk lehlam hi rûkru zawng zawng tihboralna tûr thu ziakna a ni a, a lehlam hi chhechham apiang tihboralna tûr thu ziakna a ni bawk.” 4Engkim Lalpa chuan heti hian a ti: “Ka tîr chhuak ang a, rûkru inah te, ka hminga dâwta chhechham ṭhîn inahte ka thlawh luhtîr ang. Tah chuan, a awm reng ang a, chu in hmanrua, thing leh lungte chu a tichhe vek ang,” tiin.

Bâwm chhûnga hmeichhia

5Vântirhkoh mi betu kha a lo kal leh a, “Dâk la, han en vêl teh, eng nge i hmuh le?” mi ti a. 6“Eng nge lo lang ta hi?” ka ti a. Ani chuan, “Hei hi bâwm, tehnaa hman tûr chu a ni; lei pum pui sualzia#5:6 LXX lama a chuan dân a ni. Heb. ‘Mit.’ tihlanna tûr a ni,” a ti a. 7Bâwm chhîn chu suan phêk a ni a; a han hawng a, bâwm chhûngah chuan hmeichhia a lo ṭhu a. 8Ani chuan, “Hei hi Sualbûri a ni,” a ti a. Tichuan, bâwmah chuan a nem lût leh a, suan phêk chuan a chhîn leh ta a. 9Ka han dâk chhuak a, ngai teh, hmeichhe pahnih an lo lang a, thlain an lo thlâwk a, an thla chu vacha thla ang a ni. Bâwm chu lei leh vân inkârah an thlawhpui ta a. 10Vântirhkoh mi betu hnênah chuan, “Khawiah nge bâwm chu an thlawhpui dâwn?” ka ti a. 11Ani chuan, “Babulon ramah in an saksak dâwn a, an peih hunah ama awmna tûra an ruatah chuan an dah ang,” a ti a.

Currently Selected:

ZAKARIA 5: MIZCLBSI

Highlight

Copy

Compare