ZAKARIA 6

Tawlailîr pali hmuh thu

1Ka han dâk leh a, sakawr-tawlailîr pali, tlâng lian pui pui inkâr aṭanga lo chhuak ka hmu a, tlângte chu dâr a ni. 2Tawlailîr pakhat chu sakawr sen rualin an hnûk a, pakhat chu a dumin, #Thup. 6:4,5. 3pakhat chu a vârin, a dang leh chu a rângin. An chak êm êm vek a.#Thup. 6:2. 4Mi betu hnênah chuan, “Ka pu, hêng hi engtihna nge?” ka ti a. 5Vântirhkoh chuan, “Hêng hi vân thli pali, lei pum pui Lalpa hmaa inring renga awm ṭhîn, kal chhuak an ni,” a ti a.#Thup. 7:1. 6Sakawr sente chu khawchhak lama kal tûr an ni a, a dumte chu hmâr lamah, a vârte chu khawthlang lamah, a rângte chu chhim lamah. 7An lo per chhuak ṭek ṭek a, khawvêl fan chhuah an nghâkhlel hle a ni. An hnênah, “Kal ta ula, khawvêl fang chhuak rawh u,” a ti a. Tichuan, an fang ta a. 8Ani chuan mi han au va, “Ngai teh, hmâr lama kalte chuan hmâr lam ram chungchânga ka thinur an tidai ta,” a ti a.

Josua, lallukhum khumtîr

9 Lalpa thu chu ka hnênah hetiang hian a lo thleng a: 10“Saltângte thilpêk, Heldaia te, Tobija te, Jedaia te rawn ken chu la la, Babulon aṭanga lo thleng Zefania fapa Josia hnênah kalpui nghâl rawh. 11Tangkarua leh rangkachak chu la la, lallukhum siam la, Jehozadaka fapa Josua, puithiam lalber chu khumtîr rawh. 12A hnênah heti hian ti ang che: ‘Engkim Lalpa chuan heti hian a ti: Mi pakhat, Chawrnova an tih chu, a awmhmun lei aṭangin a chawr chhuak ang a, Lalpa Tempul a sa ang. #Jer. 23:5; 33:15; Zak. 3:8. 13Amah ngei hi a ni Lalpa Tempul satu tûr chu. Lal ropuinain a inthuam ang a, lalṭhutthlêngah a ṭhu ang. A ding lamah puithiam a ṭhu ang a, an lungrual hle ang. 14Lallukhum chu Lalpa Tempulah, Helema#6:14 Heldaia fapa tih aiah Hebrai lamah chuan ‘Helema’ tih a ni a. te, Tobija te, Jedaia te, Zefania fapa Josia#6:14 Josia aiah ‘Hena’ tih a ni. te hriatrengna tûr a ni ang. 15Lalpa Tempul sa tûrin ram hla tak ata an lo kal ang a, Engkim Lalpa chuan in hnênah min tîr tih in hria ang. In Pathian, Lalpa thu in zawm phawt chuan hêng thil hi a lo thleng ngei ang,’ tiin,” a ti a.

Currently Selected:

ZAKARIA 6: MIZCLBSI

Highlight

Copy

Compare