SAM 68
68
Hnam tâna hnehna hla
Hla hruaitu tân: Davida Fakna hla. Hla
1Pathian lo thawk sela,
hmêlmate darh rawh se,
A hmaah chuan amah hawtute chu tlânchhe rawh se.
2Meikhu a zâm darh ang hian lên darh ang che,
Mei lum bula khawihnûn a tui ang hian,
Pathian hmaah mi sualte chu tui ral rawh se.
3Mi dikte erawh chu Pathian hmaah hlimin an lâwm ṭhîn a,
Hlim takin an au chêl chûl ṭhîn.
4Pathian hnênah hla sa ula,
A hming fakin zai ula,
Chhûm chunga chuanga tân kawng buatsaih rawh u;
A hming chu Lalpa#68:4 Heb. Bible-ah IA tih a ni. Halelu-ia tih hi ‘IA chu fak rawh u’ tihna a ni, Pathian hming pum IAHUA phel a ni. IAHUA hi ‘Adonai’ tiin an chhiar tel ṭhîn, chu chu Mizo ṭawnga hawrawppuia Lalpa tia ziak ṭhin hi a ni (Sam. 89:8). a ni, Amah chu fak rawh u.
5Hmun thianghlima chêng kan Pathian chu,
Fahrahte tân Pa a ni a,
Hmeithaite ngaihtuahtu a ni.
6Mi tlahlangte chu chhûngkua a dinsak a,
Tângte a hruai chhuak a, an hamṭha ta,
Luhlulte erawh chu ram rovah a awmtîr ta.
7Aw Pathian, i mite hma hruaia,
Thlalêr rama i kal lai khân,
8Sinai tlâng#68:8 ‘Sinai tlâng chu Pathian hmaah a nghîng a’ tih theih a ni. Pathian hmaah,
Lei a nghîng a, vân aṭangin ruah a lo sûr a, #Exod. 19:18.
9Ruahte i sûrtîr tlâwrh tlâwrh a,
I ro, ram châr tawh chu i tiduah leh ta a.
10I mite chuan awmhmun an khuar ta a,
Aw Pathian, i ṭhat avângin retheite i buatsaihsak a ni.
11 Lalpan thu a pe a,
Hmeichhe tam takin chanchin ṭha chu an puang a,
12“Lalte leh an sipai rualte chu
An tlânchhe zêl mai e,” tiin.
In nghâk hmeichhiate chuan râllâk sum an insem a,
13Mei vil mai maite pawhin,
Ṭhuro lim, a thla tangkaruaa siam,
A thla hmâwr rangkachaka tuam chu an chang.
14Engkimtitheian lalte a tihdarh khân
Zalmon#68:14 ‘Pathianin lalte Zalmon tlânga a ûm darh khân vûr a tlâktîr’ tia leh theih a ni. He tlâng hi tlâng kâng a ni, a lung leh leite chu a dum, vûr tlâk zen zen lohna a ni. Jordan lui lai khawchhak lama awm a ni. tlângah vûr a tlâktîr.
15Basan tlâng hi tlâng ropui#68:15 Basan tlâng hi zâwl nuam tak, Hermon tlâng chhim lam, Galili dil hualtu tlâng chhak lama awm a ni. Heb. Pathian tlâng tak a ni a,
Chhîp sâng pui a nei thluah mai.
16I tlângchhîp aṭangte chuan
A chên nâna Pathian duhthlan tlâng hi,
Engtizia nge i er mai le?
Kumkhuaa Lalpa chênna tûr asin.
17Pathian tawlailîr#68:17 ‘tawlailîr ṭha ber chi’ tihna a ni. sâng tam tak nên,
Sinai tlâng aṭangin a hmun thianghlimah chuan
Lalpa chu a lo kal e.
18A tlâng sângah a lâwn chho va,
Sal man a hruai duah duah bawk a,
Mihringte thilpêk a lo dawng a,
Hel hmangte pawhin an rawn hlân ve;
Tah chuan Lalpa Pathian a chêng tawh ang.
19 Lalpa chu fak rawh u,
Min chhandamtu kan Pathian hian,
Ni tin kan phurritte min chhâwk ṭhin hi.
20Kan Pathian hi chhandam ṭhîntu Pathian a ni a,
Kan Lalpa hi Lalpa, thihna ata min humtu a ni e.
21Pathian chuan hmêlmate lu a vaw keh ang,
Suahsual chîng lu chhîp bukte chu.
22“Basan ram aṭangin in hmêlmate ka rawn hruai ang a,
Tuifinriat mawng ata ka rawn khâwm ang.
23An thisen chu in dai ang a,
In uite chuan an duh tâwk an liak ang,” Lalpan a ti.
24Aw Pathian, i lo kal kha mi tinin an hmu che,
A hmun thianghlim pana ka lal,
Ka Pathian kal chu.
25Hla sa pâwlten hma an hruai a,
A hnung lamah ṭingṭang tum miten an zui a,
A laiah chuan nula rualin benchhek an bêng.
26“Pungkhâwm zîngah Pathian chu fak ula,
Jakoba thlahte u, Lalpa chu fak rawh u,” an ti.
27A hnam tlêm ber Benjamin chu hmahruaitu an ni a,
Juda hnam puipaten an dawt a,
Zebulun leh Naftali hruaituten an zui leh a.
28Aw Pathian, kan tân thil mak min tihsak ṭhinna,
I thiltihtheihna kha han tilang teh.
29Jerusalem khuaa i tempul aṭangin,
Lalten thilpêk an rawn pêkna hmun aṭang khân.
30Phairuang hmuna awm ṭhîn sa hrâng Aigupta khu zilh la,
Khu hnam, bâwng kawlh leh an note awm khâwm khuan,
Tangka duhin mi an chîl a.#68:30 Hebrai lam a chiang lo, ‘Tangkarua a rawn hlan hma che chu’ tihna niin ṭhenkhat chuan an ngai.
Indo châkho khu ûm darh rawh.
31Aigupta ram aṭangte chuan palai an lo kal ang,
Kus#68:31 Ethiopia hming dang a ni. mite pawh Pathian hmaah an kut an rawn phar ang.
32Khawvêla lalramte u, Pathian hnênah hla sa ula,
Lalpa fakna hla sa rawh u.
33Hmasânga awm, Vân chunga chuanga chu,
Ring takin a au ve, ngaithla rawh u.
34Pathian thiltihtheihzia puang chhuak ula,
A ropuina, Israel-te chungah a awm ṭhîn a.
A chakna chu vânah a awm a ni.
35A hmun thianghlima awm
Israel-te Pathian chu ṭih tûr a ni,
A mite chu chakna leh thiltihtheihna a pe a,
Pathian chu fak rawh u.
Currently Selected:
SAM 68: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
