SAM 67
67
Lâwmthu sawina hla
Hla hruaitu tân: Ṭingṭang hrui neia#67: Sâm hming, Heb. ‘Neginoth.’ sak mi: Hla, Fakna hla
1Pathian chu kan chungah ngilneiin
Mal min sâwm sela,
A hmêl pawh chu kan chungah lo êng rawh se.
2I duhzâwng chu khawvêlin a hriata,
Hnam tinrêngin i chhandamna an hmuh theih nân.
3Aw Pathian, miten fak che sela,
Mi tinrêngin fak che rawh se.
4Hnam tin hlima lâwmin au se,
Hnam tinrêng chungthu chu dik taka rêlsakin,
Mi tin i kaihruai si ṭhîn a.
5Aw Pathian, mi tinin fak che rawh se,
Mi tinrêngin fak che rawh se.
6Leiah hian thlai lo tharin,
Pathian, kan Pathian chuan mal min sâwm rawh se.
7Pathian chuan mal min sâwm sela, khawvêl pum puia mite hian,
Pathian chu ṭih rawh se.
Currently Selected:
SAM 67: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
