MIKA 1
1
1Judai rama Jothama te, Ahaja te,
Hezekia te an lal laia Moreset khaw#1:1 Moreset hi ‘tlâng ṭhut zâwl’ an tih ram, Jerusalem khawthlang lama awm a ni, tuipui kam tak hi chu Filistia-ho ram a ni. mi,
Mika hnêna Lalpa thu lo thleng,
Samaria leh Jerusalem chungchâng a hmuh chu: #2 Lal. 15:32—16:20; 18:1—20:21; 2 Chr. 27:1-7; 28:1—32:33.
Samaria leh Jerusalem sûnna
2Mi zawng zawngte u, ngaithla ula,
Lei leh a chhûnga awm zawng zawngte u, ngaihven rawh u;
Lalpa Pathian chuan a chênna hmun thianghlim aṭangin
A dem che u a ni.
3En teh u, Lalpa chu a chênna aṭangin a lo kal a,
A lo chhuk ang a, lei hmun sângte#1:3 ‘Tlâng sâng’ tih theih a ni. Baal biakna ‘hmunsâng’ an tih kha chu a ni lo. a rawn rap ang.
4Mei bula khawihnûn a tui ṭhîn ang hian
Tlângte chu a hmaah chuan an tui ang a,
Awih panga tui a luang thlûr sung angin
Kawrte pawh a siam seng sung ang.
5Hêng zawng zawng hi Jakoba bawhchhiatna avâng leh,
Israel chhûngte sualna avâng a ni.
Jakoba bawhchhiatna bul chu khawiah nge?
Samaria khuaah a ni lâwm ni?
Judai ram milem biakna te hi eng nge a bul?
Jerusalem khua a ni lâwm ni?
6Chuvângin, Samaria chu khaw ram, bawlhhlawh chhêkkhâwmna hmunah ka siam ang a,
Chutah chuan grepte an chîng ang.
A lungte chu kawrruamah ka lum bo vang a,
A lungphûmte pawh a chhe vek ang.
7An pathian lim zawng zawng ka tikeh sawm ang a,
An thilpêk khâwmte pawh ka hâlral ang.
An milem zawng zawng ka tichhe vek ang a,
An nawhchizawrh#1:7 Israel-ten khawpui Samaria-ah te milem an bia a, chu chu ‘uire, nawhchizuar’ tiin a sawi a ni. hlawh khâwl khâwm chu,
Mi dangin nawhchizuar lei nân an hmansak ang.
8Hei vâng hian lungngaiin ka ṭap ang a,
Saruak ke lâwngin ka vâk ruai ang,
Sihal angin ka û ang a,
Vanghâwngsei angin ka râk tuar tuar ang.
9An hliam tuar chu tihdam rual a ni lo,
Judai ram a lo thleng ve ta a,
Ka mite chênna Jerusalem kawngka hial a lo thlen tâk hi.
Hmêlmain Jerusalem an hnaih
10Gath khua chu eng mah hrilh suh u,
An hriatah ṭap rêng rêng suh u.
Beth-le-Afra mite u, vaivut zîngah#1:10-14: Hmêlmain Jerusalem bei dâwn se hêng khuate hi an beih hmasak tûr a ni. An khaw hming awmzia azirin zâwlnei hian an chungthu a sawi. Beth-le-Afra chu ‘vaivut in’ tihna a ni a, vaivutah an tâl tûr thu a sawi a, Maroth chu ‘hrehawm tuar’ tihna a ni, chhan chhuah hun an nghâkhlel hle dâwnin a sawi a. Zâwlnei awmna khua Meroset-Gath tih hi ‘Gath tâ’ tihna a ni, mo chu a pasal tâ a ni a, a chhûngten thuam an chhawmtîr chu ‘thlahna thil pêk’ a ni thei bawk a, he khua hi mi dangin an rawn nei dâwn a ni. tâl rawh u.
11Safir hmuna chêngte u, saruak leh zak chungin kal zêl rawh u,
Zanan hmuna chêngte chu an lo chhuak ngam lo va,
Beth-ezel mite chu mangangin an rûm a,
Chu chu in hriat chuan him rual a ni bîk lo tih in hria ang.
12 Lalpa hnên ata chhiatna nasa takin Jerusalem kulhkawngka a lo thlen tâk hial avângin
Maroth hmuna mite chuan
Chhan chhuah hun nghâkhlel takin an thlîr.
13Nangni, Lakis khaw mite u,
Sakawr tawlailîr rual chu buatsaih peih diam rawh u,
Nangni hi Zion fanu sualna bul in ni:
Israel-te bawhchhiatna chu nangmahni aṭanga chhuak a ni.
14Tichuan, Moreset-gath chu thlahna thilpêk pe ula,
Akzib chhûngkua chu Israel lalte bumtu an ni.
15Moresa mite u, nangmahni hnehtu ka rawn tîr dâwn,
Israel mi huaisente chu Adulam-a pûkahte#1:15 Adulam hmunah pûk a tam hle a, Davida pawh Saula hmuh loh tûrin a biru a nih kha. an biru ang.
16Mulukawlh lu ang maiin in fa duh takte sûnin in lu ziat fai rawh u,
Salah an hruaisak dâwn si che u a.
Currently Selected:
MIKA 1: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
