HOSEA 12
12
Israel leh Juda-ten thiam loh an chang
1Efraim chuan thil sâwt lo a ûm a,
Nilêng lêngin khawchhak lam lalte tlawnin a buai;
Dâwt sawi a hrât a, tharum thawh a uar,
Asuria nên thu an thlung a,
Aigupta-ah hriak a thawn.
2 Lalpa chuan Juda-ho chungah vuina a nei.
Jakoba chu a awm dân sual avângin a hrem ang a,
A thil tih ang zêlin a thungrûl ang.
3Chhûla a awm laiin a unau keartuiah a man a,
A vânglaiin Pathian a buan a,#Gen. 25:26.
4Vântirhkoh chu a bei a, a hneh ta a,
Malsâwmna dîlin a ṭap a,
Bethel-ah Pathian a hmu a,
Ani chuan thu a lo hrilh a. #Gen. 32:24-26. #Gen. 28:10-22.
5A ni, Lalpa, Engkim Pathian chu a hming Lalpa a ni.
6Chuvângin, i Pathian hnênah kîr leh la,
Khawngaihna leh dikna ngaina la,
I Pathianah chuan innghat rawh.
An sual vânga hrem tûr
7Sumdâwngten#12:7 Heb. Kanan mi, sumdâwng mi an sawina a ni. Hetah hian Israel-ho a sawina niin a lang. bûkna dik lo an hmang a,
Bum an chîng êm êm.
8Efraim chuan chapo takin,
‘Ka hausa a, sum leh pai ka ngah a,
Eng mah tihsual ka nei lo,’ a ti.
9Kei hi Lalpa, i Pathian,
Aigupta ram aṭanga hruai chhuaktu che ka ni.
Thlalêra in hnêna ka lo kal lai ang khân,
Puan inahte ka chêntîr leh ang che u. #Lev. 23:42,43.
10Zâwlnei hmangin thu ka sawi a,
Inlârna tam tak ka hmuhtîr a,
Tehkhin thuin anni chu ka zirtîr ṭhîn.
11Gilead chu a bawhchhiatna avângin#12:11 ‘bawhchhiatna’ tih hi ‘milem an biak avângin’ tihna a ni.
Eng mah a ni ta lo,
Gilgal-ah pawh bâwng lem an bia a,
An maichâmte chu leilet zâwla
Lung paih khâwm ang mai a la ni ang.
12Jakoba chu Aram#12:12 Mesapotamia ram sawina a ni. bialah a tlânchhia a,
Israelan nupui man a tuak a,
Berâm vênah nupui a hlawh.#Gen. 29:1-20.
13 Lalpa chuan Aigupta aṭanga a mi Israel chu zâwlnei hmangin a hruai chhuak a,
Anni chu zâwlnei hmangin a enkawl ṭhîn. #Exod. 12:50-51.
14Mahse, Efraim chuan a tithinur nasa êm êm a,
Chuvângin, an thisen chhuah mawh chu an phur ang,
Lalpa an timualpho va, an mualpho ve ngei ang.
Currently Selected:
HOSEA 12: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
