HOSEA 13
13
Israel-te hremna hnuhnûng
1Efraim a han ṭawng chuan
Israel hnam dangte an khûr a,
An zîngah ngaihsân a ni ṭhîn.
Baal biaa a sual tâk avângin a chhe ta a ni.
2Tûnah pawh hian an sual zual deuh deuh va,
Tangkaraw milimte an chhûng a,
Chûng milimte chu an duh dân ang taka
Kut themthiamte siam a ni.
Mihringa inthawite chuan
Bâwngno limte lam pawh ‘Fawh tûr,’ an ti ṭhîn.
3Chuvângin, zîng ṭiauchhûm ang te,
Dai tla ral leh thuai ṭhîn ang te,
Hruihzâwla buhsi thli len bo ang te,
Tukverha meikhu chhuak ang te an ni ang.
4Kei hi Lalpa in Pathian,
Aigupta ram ata hruaichhuaktu che u ka ni,
Keimah lo chu Pathian dang in hre lo va,
Chhandamtu dang in neih hek loh kha.
5Thlalêr ram rovahte khân ka kaihruai che u a.
6Anni chu tlai takin ka hrai a,
An puar hnu chuan an chapo va,
Min theihnghilh ta a ni.#Deut. 8:11-17.
7An tân sakeibaknei ang ka ni ang a,
Keite angin anni chu kawngah ka lo châng ru ang.
8A note lâksak savawm thinur angin
An lung tuamtu#13:8 Mizovin ‘hâm hawng’ kan tih ang hi, dam leh thei lova ngaih a ni. ka haithlêr ang a,
Sakeibaknei angin an sa ka ei ang a,
Ram sakawlhte angin ka pawt sawm ang.
9Israel, nangmah ṭanpuitu mi do hi
I chhiat phah dâwn a nih hi.
10Lal leh hotu in dîlte kha
In khawpuite chhan tûrin khawnge an awm tâk? #1 Samu. 8:5,6.
11Thinur chungin lal ka pe che u a,
Ka thin a rim vângin anni chu ka la bo leh ta.
12Efraim khawlohna chu ziak vek a ni a,
An suahsualnate pawh chhinchhiah vek a ni.
13Nau vei angin a na thut ang a,
Mahse, pian huna chhuah nachâng hre lo nau ang hi a ni.
14Seol thiltihtheihna ata chhanchhuakin,
Thihna lak ata ka tlan dâwn em ni?
Aw thihna, khawnge i hri chhia chu?
Aw Seol, khawnge i tihchhiat theihna chu?
Khawngaihna mitin ka en dâwn tawh lo. #1 Kor. 15:55.
15A unaute zîngah lo hmuingîl#13:15 Heb. ‘Rairuang anga ṭhang duang’ tih theih a ni. mahse, Lalpa thlî, khawchhak lam aṭangin a lo tleh ang a,
Thlalêr aṭangin a rawn nuai ang.
Luikawrte pawh a châr vek ang.
A ro khâwl khâwm zawng zawng pawh an lâksak ang.
16Pathian laka a hel avângin
Samaria chuan a sual man a têl ang,
Khandaiha thah an ni ang a,
Nausênte chu lei vuak nân an hmansak ang a,
Nau pai laite pum chu an taithlêr ang.
Currently Selected:
HOSEA 13: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
