HOSEA 11
11
Hel hmangte Pathianin a hmangaih
1Israela chu a naupan lai aṭangin ka hmangaih a,
Ka fa atân#11:1 ‘Aigupta a chhuahsan aṭang khân fapaah ka neih’ tih theih a ni. Aigupta ata ka ko chhuak a.#Exod. 4:22; Mt. 2:15.
2Ka koh zin poh leh min hlat sauh zêl a,
Baal hnênah an inthawi a,
Milem hnênah rimtui an hlân hlauh ṭhîn.
3Efraim chu keimah ngeiin kal ka zirtîr a,
A bânah ka kai ṭhîn.
Nimahsela, ka awmtlei an ni tih an hre lo.
4Khawngaih leh lainat takin
Anni chu ka hruai dial dial a,
An phurritte ka chhâwk a,
Duat takin ka châwm ṭhîn.
5Chuti chung pawhin mi bêl duh lo va,
Aigupta-ah an kîr leh ang a,
Asuria-in a awp bawk ang,
Anmahni remruat chauh an zawm avângin.
6An khawpuiah khandaih a lêng ang a,
An kulh kawngkhârte chu a chhe vek ang.
7Ka mite chuan min hawisan tlat a,
An nghâwngkawl rih avângin.
Chungnungbera an au vang a,
Mahse, tu man an hlihsak lo vang.
8Efraim, engtin nge ka bânsan theih ang che?
Adma#11:8 Adma leh Zeboim hi Sodom leh Gomora bul hnaia awm, chhe ve ta an ni. Ziaktu ṭhenkhatin ‘Sodom leh Gomora’ tih angin an hmang (Gen. 10:19; 14:3,8). angin engtin nge ka tihchhiat theih ang che?
Zeboim angin engtin nge ka sawisak theih ang che,
Ka lungrilah i châm tlat a,
Ka hmangaih zual deuh deuh che a ni. #Deut. 29:23.
9Ka thinrim nasa tak chu ka hrithla lo vang a,
Efraim chu ka tichhe leh tawh lo vang.
Pathian ka nih hi, mihring ka ni lo ve,
In zînga chêng, Mi Thianghlima chu thinrimin ka lo kal tawh lo vang.
10 Lalpa chu sakeibaknei angin a rûm ang a,
Tichuan, anni chuan an zui ang,
Ring takin a au vang a,
Khawthlang lam aṭangin a fate an lo haw hlawk hlawk ang.
11Aigupta ram aṭangin sava thlâwk anga chakin an lo chho vang a,
Asuria ram ata ṭhuro angin an lo chhuk bawk ang.
Tichuan, an ramah ngei ka chêntîr leh ang,
Lalpa thuchhuak chuan a ti.
12Efraim chuan dâwt min hrilh kual min hrilh kual a,
Israel-te chuan bum an hrât êm êm a,
Juda pawhin Pathian,
Mi Thianghlima leh Rinawma chu
A dodâl reng a ni.
Currently Selected:
HOSEA 11: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
