HOSEA 10
10
1Israel chu grep duah tak
Rah tiar tuar ang hi a ni ṭhîn a,
A rah tam poh leh maichâm a siam tam a,
A hausak poh leh an biak lungphun a cheimawi mai.
2An thinlung chu bumnain a khat a,
An sual man chu an hmu ngei ang.
An maichâm ka tichim ang a,
An biak lungphunte pawh ka tichhe vek ang.
3‘Lalpa kan ṭih lo va, lal kan nei ta lo va ni,
Nei pawh ni ila,
Kan tân eng nge sâwt ang?’ an la ti ang.
4An ṭawng mai mai a,
Dâwtin chhia an chham a, thute an thlung a,
Lei rih thlûra hlo har a khat tlat ang hian
Dikna an dîp raltîr.
5Samari khawpuia chêngte chu,
Beth-aven#10:5 Beth-aven (sualna in) hming dang chu Beth-el a ni, chu chu ‘Pathian in’ tihna a ni. ‘bâwngno’ tih hi ‘bâwngchal’ tih theih a ni bawk. bâwngno lim avâng chuan
Hlauvin an khûr ang a,
A ropuina tihchhiat a nih avângin
Mite chu an ṭap ang a,
A puithiamte chu an chiau vawng vawng ang.
6Asuria lal ropui tak pêk tûrin
Berâmno lim chu an kalpui ang a,
Efraim chu a mualpho let dêr ang;
A remruat avângin Israel chu a zak hle ang.
7Tuiin hnâwl a lên ang hian,
Samari lal pawh an hruai ang.
8Israel-te suahsual bâwlna Aven#10:8 ‘Aven’ hi sual tihna a ni, ‘milem bia’ tihna a ni bawk, Bethel khua a kâwk.
hmunsângte chu tihchim a ni ang.
A maichâmah hlîng leh hnimhlîngnei a ṭo chûk ang a,
Mite chuan tlâng hnênah,
‘Min khuh rawh,’ an ti ang a,
Mual hnênah, ‘Min delh rawh,’ an ti ang.#Lk. 23:30; Thup. 6:16.
Lalpan Israel-te hremna tûr a puang
9Aw Israel, Gibea khuaa thil sual in tih ang kha,
In la ti zui ta zêl a,
Gibea khuaah indonain a nangchîng ang che u. #Ro. 19:1-30.
10Hêng mi sualte hi ka bei#10:10 LXX lama a chuan dân. Heb. ‘Ka duh angin’ tih a ni âwm e. ang a,
Ka hrem ang.
Anmahni bei tûrin hnam dang an ṭangrual ang a,
An sualna avângin hrem an ni ang.
11Efraim chu buh chîl peih tak bâwngla hmin tawh angin,
A nghâwng mawiah nghâwngkawl ka bât#10:11 Heb. ‘ka bahtîr lo vang’ tih a ni. ang a,
Efraim chuan lei a rît ang a,
Juda chuan lei a let ang a,
Jakoba chuan leitlang a tidip ang.
12In leiletah dikna theh ula,
Khawngaihna in seng dâwn nia;
In ram khêk chu let ula,
Lalpa chu zawn hun a ni,
A lo kal ang a, mal a sâwm ang che u. #Jer. 4:3.
13Sualna in theh a, in khawloh zawh tâk hi.
Mahni inbum in ni.
Mahni chaknaah#10:13 Heb. ‘kawng’ - Letlingtu ṭhenkhatin ‘tawlailîr’ an ti. in innghat a,
In sipai ngah in chhuang vei si.
14Chuvângin, indopuiin in mite a nang ang a,
In kulh zawng zawng a chhe vek ang.
An inbeiha Beth-arbel khua Lal Salmanan#10:14 Moab lalin Gilead khaw pakhat a sawisa nek a, chu thu chu a ni âwm e. a sawisa ang khân,
Nunau lamin thah in ni ve ngei ang.
15Nangni Bethel-a awmte u, in sual êm avângin
Chûng thilte chu in chungah a lo thleng dâwn,
Zînga inbeihna an ṭan veleh
Israel lal chu a thi nghâl ang.
Currently Selected:
HOSEA 10: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
