AMOSA 9
9
1 Lalpa chu maichâm bula a ding ka hmu a,
“Tempul ban chu a lêrah vaw vak la,
A pumin nghîng sela, chim rawh se,
A chhûnga awm zawng zawng delh sela,
A thi bângte chu khandaihin ka tihlum ang a,
Pakhat mah an tlân chhuak lo vang.
Tu mahin an pumpelh hek lo vang.
2Seol thlengin kua hreuh chhuk mah sela,
Chuta ta chu ka hnûk chhuak ang,
Vânah khian lâwn chho mah sela,
Chuta ta chu ka pawt thla ang.
3Karmel tlângchhîpah biru mah sela,
Ka zawng chhuak ang a, ka man ang.
Tuifinriat mawngah min bihrûksan pawhin,
Chutah chuan rûlpui#9:3 Tuifinriata sa lian, rûlpui lian hlauhawm tak sawina a ni. ka chuktîr ang.
4An hmêlmaten salah pawh hruai sela,
Khandaihin ka sah hlumtîr ang a,
An ṭhatna tûr ni lovin
An chhiatna tûrin mit ka lên ang,” a ti a.
5Engkim Lalpa chuan,
Lei hi a han khawih a, a lo tui#9:5 ‘nghîng’ tih theih a ni bawk. ta a,
A chhûnga awm zawng zawng chuan lu an sûn ta a,
Aigupta ram Nail luipui a lian a,
A kâm leh ṭhîn angin,
Ram pawh chu a sângin a hniam a.
6Ani chuan vânah khian chênna tûr in a sa a,
Vân kûmkulh chu leiah a nghat.
Tuifinriat tuite a ko va, leiah a sûrtîr a,
A hming chu Lalpa a ni.
7“Aigupta ram aṭanga Israel-te hruai chhuaktu ka ni lâwm ni?”
Lalpa thuchhuak chuan a ti.
“Kaftor ram aṭangin Filistia mite ka la chhuak a,
Suria mite pawh Kir ram aṭanga ka hruai chhuah an ni.
8Ngai teh, Lalpa mit chu ram sual chungah a fu a,
Lei ata ka tiboral ang.
Jakoba chhûngte erawh chu ka tichhe vek lo vang,”
Tih hi Lalpa thuchhuak a ni.
9“Ngai teh, thu ka pe ang a,
Chhihri-a buh an hrîkin lungtê a tla tel ve lo angin,
Ka mi Israel-te chu hnam tin zîngah ka hri ang a,
10Mi sual zawng zawng chu khandaihin ka that ang a,
Chûng mite chuan,
‘Thil ṭha lo kan tawng lo vang a,
Thil ṭha lovin min tibuai hek lo vang,’ an ti ṭhîn.
Israel tundin lehna
11“Chumi ni-ah chuan Davida ram#9:11 Heb. ‘puan in.’ Chhûngkaw thu sawina a ni thei bawk. tluchhe tawh chu
Ka tungding leh ang.
A chhe laite pawh ka thawm ang a,
Tûn hmaa mi ang khân ka din thar leh ang.#Tirh. 15:16-18.
12Edom ram la bângte an nei leh ang,
Ka hming lam ṭhîn hnam zawng zawngte nên.”#9:12 Israel-hovin hnam dang an hnehin ‘Lalpa’ an biaktîr ṭhîn, chûngho chu hnam dangin an rawn hneh chuan Israel mite ta an ni tawh lo.
Hêng thil titu Lalpa thuchhuak chuan a ti.
13“Ngai teh, nîte a lo thleng e,”
Tih hi Lalpa thuchhuak a ni:
“Leileh hun thlengin buh an la seng ang a,
A phun leh hun thlengin grep an la sâwr ang#9:13 Thlai lam a ṭhain a hlâwk êm êm dâwn a, a hunah an seng zo hman dâwn lo.
Tlâng aṭang te chuan uain thlum a luang chhuak ang a,
Mualah te chuan a luang dûl dûl ang.
14Ka mi, Israel, sala tângte chu
Ka hruai kîr leh ang a,
An khaw ramte an din leh ang a, an luah leh ang.
Grep-te an phun ang a,
A uain an in ang a,
Huante an siam ang a,
Thlai tharte an ei bawk ang.
15Anmahni ram ngeiah ka awmtîr ang a,
Anmahni ka pêk ram ata chu tu man an la chhuak tawh lo vang,”
In Pathian, Lalpa chuan a ti.
Currently Selected:
AMOSA 9: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
