AMOSA 8
8
Nipui thei hmin ṭuah hmuh thu
1Lalpa Pathian chuan hei hi mi hmuhtîr a:
Ngai teh, nipui thei hmin ṭuah#8:1 Nipuia thei hmin chi, grep te, theipui te. Heb. lamah ṭuah tih hi a tel lo. bâwma awm hi a lo ni. 2“Amosa, eng nge i hmuh?” a ti a. Kei chuan, “Nipui thei hmin ṭuah, bâwma awm,” ka ti a.
Lalpa chuan ka hnênah,
“Ka mi Israel-te tâwpna tûr chu a ṭuah ta,
Ka pêl mai mai dâwn tawh lo,” a ti a.
3Lalpa Pathian thuchhuak chuan heti hian a ti:
“Chumi ni-ah chuan lal ina hlim taka zai ṭhînte chu
Lungchhe takin an ṭap ang.
Hmun tinah mitthi ruang a awm pheng phung ang a,
Ngawi rengin an paih ang.”
Israel-te chunga chhiatna thleng tûr
4“Nangni, tlachhamte rapbeta,
Ram chhûnga retheite ei zawh duh hialte u,
Hei hi hre rawh u,
5‘Thla thar kût ral thuai thuai se,
Buh hralh a nghahhlelhawm mang e,
Sabat ni ral thuai thuai sela,
Chhangphut zawrh a châkawm mang e,
Efa#8:5 Sekel hi bûklung, gram 6:27 vêla rit a ni, Efa hi kho lam a ni a, ṭîn vêl dawng. A leitute hlâwk lo zâwngin an bûk a, an teh a ni. kan titê ang a, sekel kan tirit ang a,
Bûkna dik lo kan hmang ang.
6Buh nawi ruh khâwm lam kan hralh ang a,
Tangka chuan mi rethei kan lei ang a,
Pheikhawk bun khatin pachhia kan lei ang,’ in ti thîn.
7Jakoba chhuan Lalpa chuan mahni inchhâlin thu a tiam a,
A thil sual tih pakhat mah ka theihnghilh lo vang,
8Chuvângin, an ramah lîr ka nghîntîr ang a,
A chhûnga awm zawng zawng pawh an mangang hle ang,
Aigupta ram Nail luipui a liana a kâm leh ṭhîn angin,
Ram pum chu a sângin a hniam#8:8 Lîrnghîngin a sêp dâwrh dâwrh dâwn. ang.
9Ni ka tithim#8:9 B.C. 763 June ni 15 khân âwkin ni a lem pil vek. ang a,
Chhûnah khua a thim vek ang.
10In kût nite chu invuina ni-ah ka chantîr ang a,
In hlimna hlate chu khawhar hlaah,
In za-in saiip puan ka ventîr ang che u a,
In lu pawh ka tikawlh#8:10 Lusûn tih hriat nân lu an mêt kawlh ṭhîn. vek ang.
Fapa mal sûn angin ka siam ang che u a,
A tâwp thlengin a hrehawm tluanchhuak ang.
11Ngai teh, ni chu a lo thleng e,
Chumi hun chuan ram chhûngah ṭâm ka tlâktîr dâwn,
Tui leh chaw ṭâmin an ṭâm lo vang a,
Lalpa thu ṭâmin an ṭâm ang.
12 Lalpa thu hriat châkin chhak leh thlang,
Chhim leh hmâr#8:12 ‘tuipui aṭanga tuipui’ tih a ni. an fang ang a,
An hmu zo chuang lo vang.
13Nula tlangvâl chak laite pawh
Tuihâlin an chau vang.
14Samari khuaa milem betute,
Dan khuaa pathian lem chibai bûktute leh
Beer-seba milem pantute chu an tlu#8:14 Heb. ‘Kawng’. ang a,
An tho leh tawh lo vang.
Currently Selected:
AMOSA 8: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
