AMOSA 7
7
Khau rual hmuh thu
1 Lalpa Pathian chuan hei hi mi hmuhtîr a:
Ngai teh, hnim ṭo hmasa, lal chanpual#7:1 Ran tlatna hmuna hnim ṭo hmasa ber hi lal sakawr châwm nân chhiahah an pe a ni. an ah zawha
Hnim a chawr ṭan leh laiin khau rual a tihpun chu ka hmu a.
2Ram chhûnga hnim an ei zawh hnu chuan,
“Aw Lalpa Pathian, ngaidam teh,
Jakoba chu engtin nge a din chhuah zawh ang,
Amah lah a nêp hle si a?” tiin ka ngên a.
3 Lalpa chuan a khawngaih ta êm êm a,
“A nih leh chu thil chu thlenglo vang hmiang,” a ti a.
Mei hmuh thu
4Lalpa Pathian chuan hei hi mi hmuhtîr leh a:
Ngai teh, Lalpa Pathian chuan a mite hrem nân mei a ko va;
Tuithûkpui#7:4 Lei hnuaiah leh vân chungah tui a awm, in zawm pûtin an ngai, chu mi sawina chu a ni. chu a kâng ral a,
Ram pawh a kâng ṭan ta a.
5Kei chuan, “Lalpa Pathian, titâwp teh,
Jakoba chu engtin nge a din chhuah theih ang,
Amah lah a nêp hle si a,” tiin ka ngên a.
6Lalpa Pathian chuan a khawngaih ta êm êm a, “A nih leh chu thil pawh chu thleng lo vang hmiang,” a ti a.
Sahal khai hmuh thu
7 Lalpa chuan hei hi mi hmuhtîr leh a: Ngai teh, bang ngîl tak bulah a ding a, sahal#7:7 A ding ngîl leh ngîl lo en fiah nân hruiin thil rit an khai a, an en dik ṭhîn, thingzaitute pawhin an hmang. a khai a. 8Lalpa chuan ka hnênah, ‘Amosa, eng nge i hmuh?” a ti a. Kei chuan, “Sahâl khai,” ka ti a. Lalpa chuan:
“En teh, ka mi Israel-te en dik nân
Sahal ka khai ta a ni,
Ka ngaizam dâwn tawh lo.
9Isaka hmunsângte chu tihram a ni ang a,
Israel Hmun Thianghlimte chu tihchhiat a ni ang.
Jeroboama chhûngte lalna chu ka titâwp ang,” a ti a.
Amosa leh Amazia
10Bethel puithiam Amazia chuan heti hian Israel lal Jeroboama chu a hrilh a: “Amosa hian Israel mite zîngah a sawichhe chiam che a, mipui a hmin zo dâwn. 11Amosa chuan heti hian a ti ṭhîn.
‘Jeroboama chu khandaiha thah a ni ang a, Israel-te chu an ram ata salah an hruai ang,’ tiin.”
12Tin, Amazia chuan Amosa hnênah, “Aw zâwlnei, kal la, Judai ramah tlân la, chutah chuan i ei hmuh nân thu va hril rawh. Bethel-ah hi chuan thu hril tawh suh. 13Lalin Pathian a biakna, hnam pum inthawina hmun a ni si a,” a ti a.
14Tichuan, Amosa chuan Amazia chu a chhâng a, “Ei zawn nâna#7:14 Heb. ‘Zâwlnei fapa’ tih a ni. zâwlnei ka ni ve lo, berâmvêngtu leh theipui enkawltu mai ka ni a. 15Mahse, Lalpa chuan ka berâm vêng lai min la a, ‘Kal la, ka mi Israel-te hnênah thu va hril rawh,’ ” min ti a ni.
16Tûnah Lalpa thu hi ngaithla teh,
“Nangin, ‘Israel-te do zâwngin thu hril suh,
Isaka thlahte demin thu puang hek suh,’ min ti a,
17Chuvângin, Lalpa chuan heti hian a ti:
I nupui chu khawpuiah nawhchizuar a ni ang a,
I fanu te, i fapate khandaihin an that ang.
I hmunhma chu an insem darh vek ang a,
Nang pawh hnam dang ramah i thi ang.
Israel-te pawh an ram ata sala hruai bo an ni ngei ang,” a ti a.
Currently Selected:
AMOSA 7: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
