AMOSA 3
3
1“Nangni, Aigupta ram ata ka koh chhuah,
Israel chhûngte u, Lalpa sawisêlna che u hi ngaithla teh u.
2Khawvêla chhûngkua zawng zawng zîngah
Nangni chauh hi ka hriat in ni asin,
Chuvângin, in suahsualna zawng zawngah
Ka hrem ngei ngei ang che u,” a ti a.
Zâwlnei hna
3An thurual zet loh chuan
Mi pahnih an zin dûn ngai em ni?
4Sa hauh nei lovin ngawah
Sakeibaknei a rûm ngai em ni?
Sa seh nei lovin pûkah
Sakeibaknei vânglai a rûm dâwn em ni?
5Leia thang kam tawktarh awm lovah
Sava a âwk ngai em ni?
Eng mah âwk lovin lei ata
Thang chu a per dâwn em ni?
6Râlkhêl tawtawrâwt khawpuia a rîk chuan
Mi tinin an hlau dâwn lâwm ni?
Lalpa thu lovin khawpuiah thil ṭha lo a thleng ngai em ni?
7A rawngbâwltu zâwlneite hnêna a thiltum hrilh lovin
Lalpa Pathian chuan eng mah a ti ngai lo.
8Sakeibaknei a rûm a, tu nge hlau lo vang?
Lalpa Pathian chuan thu a sawi a,
Tu nge puang lo ngam ang?
Samaria chhiat tûr thu
9“Asdod#3:9 Bu ṭhenkhatah ‘Asuria’ tih a ni. khaw lal inahte puang ula,
Aigupta lal inahte pawh hril rawh u,
Samari tlângah pung khâwm ula,
Chuta an buai nuai nuaizia leh
An intihduhdah nasatzia chu en teh u!
10Thil tih âwm leh âwm lo dâwn nachâng an hre tawh lo,”
Lalpa thuchhuak chuan a ti.
Mi thil an chhuhsak leh an lâksakte chu,
An in ṭha pui puiah an chhêk khâwm thêr thûr mai.
11Chuvângin, Lalpa Pathian chuan heti hian a ti:
“Ram chu hmêlmain an rawn hual ang a,
Kulhte chu an rawn tichim ang a,
In lal inte pawh an rawk ang.”
12 Lalpa chuan heti hian a ti:
“Berâmpuin sakeibaknei ei lai
A beng them leh a keṭhiah#3:12 Sa seh ngei a ni tih hriat nân hêng tal hi chhuhsak an tum hrâm ṭhîn. pahnih tal
A chhuhsak hrâm angin,
Samari rama Israel-te chu
An khum them#3:12 khum hlui cheina them, khum a ni ngei tih hriatna tûr. leh a ke bung them chauh nên
Chhan chhuah an ni ang.
13Ngaithla ula, Lalpa chhûngte hrilh rawh u,”
Lalpa Pathian, Engkim Pathian thuchhuak chuan a ti.
14“An bawhchhiatna avânga Israel-te ka hrem ni chuan
Bethel-a maichâmte chu ka tichim ang a,
Maichâm kite pawh ka titliak ang a,
Leiah a tla rem rum ang.#2 Lal. 23:15.
15An thlasik in leh nipui inte ka tichhia ang a,
Sainghova chei inte chu a chhe rem rum ang a,
In lian pui puite pawh a chim vek ang,”
Lalpa thuchhuak chuan a ti.
Currently Selected:
AMOSA 3: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
