AMOSA 4
4
1Nangni Samari nuho Basan bâwng anga thau,
Retheite nêkchêpa, pachhiate rapbeta,
‘In tûr han la rawh,’ pasalte hnêna ti ṭhînte u,
He thu hi ngaithla teh u.
2Lalpa Pathian Thianghlima chuan heti hian a ti:
“Ngai teh u, nite a lo thleng mêk a ni,
Thil kawmin an hnûk ang che u a,
Nghakuaiin an kai ang che u.
3Kulh bang pawp hnai berah
An hruai chhuak ang che u,
Hermon-ah#4:3 Hei hi eng tihna nge hriat a ni lo, Hermon tlâng sawina a ni mai thei. an khalh khâwm ang che u,”
Lalpa thuchhuak chuan a ti.
Israel-ten an hre thei lo
4“Bethel-ah lo kal ula, bawhchhe leh ta che u le!
Gilgal-ah phei chuan bawhchhe zual sauh ula,
Tûk tin inthawi ziah ula,
Ni thum danah sâwma pakhat pe ula,
5Lâwmthu sawi nân chhang hlân ula,
Mahni tâna in thilpêkte pawh uanpui ta che u!
Aw Israel-te u, chûng chu in tih châk zâwng tak a ni si a!”
Tih hi Lalpa Pathian thuchhuak a ni.
6“In khawpuiahte ei tûr in tlachham#4:6 Heb. ‘ha faina ka pe che u a’ a,
Hmun tinah ṭâm ka tlâktîr a,
Mahse, ka lam in lo hawi#4:6 ‘lo kîr’ tih theih. duh chuang si lo,”
Lalpa thuchhuak chuan a ti.
7“Buh seng hun thla thum vêlah ruahtui ka tikang a,
Khaw khatah ruah ka sûrtîr a,
Khaw dangah ka sûrtîr lo va,
Hmun khata ruah a sûr laiin
Hmun dang a ro va.
8Tui in tûr zawngin khaw hrang hrang an pan ṭâwk ṭâwk#4:8 Khaw tinin tuizêm an nei, an ei zo va, chau takin khaw dangah tui in tûr an zawng. a,
Mahse, duh tâwk an hmu si lo.
Chutichung pawhin ka lam an lo hawi duh chuang lo,”
Lalpa thuchhuak chuan a ti.
9“In thlaite thli lum ka chhêmtîr a,
Ka tiṭâm zo va, in huan te, in grep te ka tiram a,#4:9 Heb. ‘Tipung’ tih a ang viau.
In theipui te, in oliv-te khauvin a ei zo va,
Chuti chung pawhin ka lam in lo hawi duh chuang si lo,”
Tih hi Lalpa thuchhuak a ni.
10“Aigupta rama hripui ang kha in zîngah ka lêntîr a,
In tlangvâlte khandaihin ka that a,
In sakawrte ka mansak che u a,
In bûkah, tuar har khawpa rimchhia
Mi ruang ka awmtîr#4:10 Hei hi eng tihna nge hriat a ni lo, Hermon tlâng sawina a ni mai thei. ṭeuh va.
Chuti chung pawhin ka lam in lo hawi duh chuang si lo,”
Tih hi Lalpa thuchhuak a ni.
11“Sodom leh Gomora khua ka hrem ang khân,
In zînga mi ṭhenkhat ka hrem a,
Meipui ata thingthu pawh chhuah ang in ni,
Chuti chung pawhin ka lam in lo hawi duh chuang si lo,”
Tih hi Lalpa thuchhuak a ni.#Gen. 19:24.
12“Chuvângin, aw Israel, i chungah thil ṭha lo ka ti dâwn,
Ka tih ngei dâwn avângin
Aw Israel, I Pathian tâwk tûrin inpeih rawh.”
13Pathian chuan tlângte a din a,
Thlîte a siam a,
A duhzâwng chu mihring a hriattîr a,
Chhûn leh zân a siam a,
Lei pum chungah#4:13 Heb. ‘Leia hmunsâng takah’ ro a rêl a ni,
A hming chu Lalpa, Engkim Pathian a ni.
Currently Selected:
AMOSA 4: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
