AMOSA 2
2
Moab
1 Lalpa chuan heti hian a ti:
“Moab mite chu chin tâwknei lovin an sual a,
Ka hrem ngei ngei dâwn a ni,
Edom lal ruh ro chu vâp vek khawpa an hâl avângin.#Isa. 15:1—16:14; 25:10-12; Jer. 48:1-47; Ezek. 25:8-11; Zef. 2:8-11.
2Chuvângin, Moab ramah mei ka chhuah ang a,
Keriot khuaa lal inte a kâng ral ang a,
Indona tawtawrâwt ri leh sipai au tuar tuar zîngah Moab mite chu an thi ang.
3An rorêltu chu ka tiboral ang a,
An milian zawng zawng pawh ka that vek ang,”
Lalpa chuan a ti.
Juda
4 Lalpa chuan heti hian a ti:
“Juda-te chu chin tâwk nei lovin an sual a,
Ka hrem ngei ngei dâwn a ni.
Lalpa Dân an ngainêp a,
A thupêkte an zâwm hek lo,
An pate biak ṭhin milem pathian khân a hruai bo ta a.
5Chuvângin, Judai ramah mei ka chhuah ang a,
Jerusalem-a lal inte chu a kâng ral ang.”
Israel chunga Pathian rorêlna
6 Lalpa chuan heti hian a ti:
“Israel-te chu chin tâwk nei lovin an sual a,
Ka hrem ngei ngei dâwn a ni.
Thamna lain mi dikte an tuartîr a,
Pheikhawk#2:6 Pheikhawk vawthlep kan tih ang hi, a man sawi tham loh sawi nân an hmang fo. bun khat lek avângin mi retheite an hralh a.
7Lei vaivutah retheite lu#2:7 ‘Retheite lu-a vaivut an ît a’ tih theih a ni, an ram neihchhun chhetê pawh an awt tihna a ni ang. an rapbet a,
An kawng ata pachhiate an nam kiang a,
Pafain an chhiahhlawh nula an zen ṭâwm a,
Ka hming thianghlim an tibawrhbâng a ni.
8Maichâm awmna apiangah, puan dahkham chungahte an mu a,
An pathian ina lei an chawitîr chuan zu an lei a, an in a.#Deut. 3:8-11.
9Sidar thing anga sâng, sasua anga khauh,
Amor-ho chu an hmaah chung lama an rah leh hnuai lama an zung lamin
Tihchhiatsak a nih kha le!
10Amor-ho ram luah tûrin Aigupta ram
aṭangin ka hruai chhuak che u a,
Thlalêrah kum sawmli chhûng ka kaihruai che u a,
11Zâwlnei atân in fate zînga mi leh Nazarit#2:11 Hun eng emaw chhûng zu te, ruang te khawih lova, lu pawh mêt lo tûra Pathian chawimawi nâna intiamte (Num. 6:1-3). mi atân in tlangvâlte zînga mi ka ruat a,
Chutiang chuan ka enkawl che u a ni lâwm ni?”
Lalpa thuchhuak chuan a ti.#Num. 6:1-8.
12“Mahse, Nazarit mite chu zu in pe a,
Zâwlneite pawh thu hril in khap a.
13Chuvângin, buhphal phur vûm thûr tawlailîr chîk ṭuah ṭuah angin
Ka tihrehawm ang che u.
14Tlân chak pawh a him lo vang a, âwmkhauh pawhin a chakna a chhawr thei lo vang.
Mi huaisen pawh a inhum thei lo vang.
15Thalkâp mi pawh an ṭang zo lo vang a,
Mi ṭuanṭha pawh a tlân hman lo vang,
Sakawr chuang mi pawh a inhum thei lo vang.
16Chumi ni chuan râlhrât zînga huai berte pawh
Ruakin an tlânchhia ang,”
Tih hi Lalpa thuchhuak a ni.
Currently Selected:
AMOSA 2: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
