1 TIMOTHEA 5

Mi dang chunga tih tûr

1Upa zâwkte chu hau suh la, mahni pa anga enin a ngenin ngên zâwk ang che; naupang zâwkte chu nau angin en la, #Lev. 19:32. 2Pitarte chu nu angin en la, nulate chu thianghlim takin farnu angin en ang che.

3Mahni chauhva awm hmeithaite chu zah la; 4tu leh fa nei hmeithaite chu, an tu leh fate chuan Pathianin chhûngkaw mawhphurhna a pêk chu hlen chhuah zir phawt sela, anmahni châwm liantu chu châwm ve thung rawh se, chu chu Pathian lâwm zâwng a ni. 5Châwmtu nei lo, mahni chauhva hmeithai chuan, Pathian chauh rinchhan tûr a nei a, ṭanpuina dîlin a chhûn a zân a ṭawngṭai ṭhîn. #Jer. 49:11. 6Hmeithai leplêrh tak erawh chu, a dam lai pawhin mitthi mai a ni. 7Hêng kaihhruainate hi hrilh la, sawisêlbovin awm rawh se. 8Mahni chhûngte, in khata awmpui ngei châwm duh lo an awm chuan, rinna hi an phatsan ta tihna a ni, ringlo mi aiin an sual zâwk.

9,10Kum sawmruk la tling lo chu hmeithai zîngah ziak tel suh; pasal pakhat chauh nei,#5:9 ‘pasal laka rinawm ṭhîn’ tih theih a ni bawk. thil ṭha tih kawnga fak kai, fate lo enkawl tlei tawh, mikhual chunga ṭha, mi thianghlimte ke sil ṭhîn, mi mangang ṭanpui peih, thil ṭha tih kawnga inpe mi an ni bawk tûr a ni. 11Hmeithai la nula deuhte chu telh suh, an châkna avângin Krista hawisana pasal neih an duh leh si ṭhîn a, 12an thu lo tiam tawh an bawhchhiat avângin sawisêl an kai ṭhîn. 13Chu lovah pawh, mi ina an lên kualna lamah dâwngdah an zir a, dâwngdah mai pawh ni lovin mi rêl an chîng a, thu veivir an hrât a, an sawi loh tûr tûr an sawi ṭhîn.#2 Thes. 3:11. 14Chuvângin, hmeithai la nula deuhte chuan pasal nei leh se ka ti a ni, fate neiin chhûngkua enkawl sela, hmêlmaten min sawichhiatna tûr rêng an nei dâwn lo nia. #1 Kor. 7:9. 15Ṭhenkhat chu Setana zuiin an pêng sual tawh a ni. 16Ringtu hmeichhiain,#5:16 Mss ṭhenkhatah, ‘mipa’ tih a ni, a ṭhenah ‘mipa leh hmeichhia’ tih a ni. an chhûngkaw zîngah hmeithai nei se a châwm tûr a ni; mahnia hmeithaite chauh kohhranin an enkawl theih nân kohhran chu phurrit siamsak suh se.

17Kohhran upa, mi hruai thiam, thu hril leh zirtîr lama taima bîkte chu a leh hniha chawimawi tlâk an ni. 18Lehkha Thu-in, “Bâwngpain buh a chîl laiin a hmui phuar suh; hna thawktu chu hlawh hmu tlâk a ni,” a ti a. #Deut. 25:4; Mt. 10:10; Lk. 10:7; 1 Kor. 9:9,14. 19Upa an hêkna chu thuhretu pahnih emaw, pathum emaw tal an awm loh chuan pawm suh. #Deut. 17:6; 19:15. 20Thil tisual ngeite chu vântlâng hmaah zilh rawh, mi dang pawhin an hlauh theih nân. 21Pathian leh Krista Isua leh a vântirhkoh thlante hmaah thu ka pe a che: ngaih dân nei sa lovin, hleih nei lovin hêng thu hi kengkawh ang che. 22Rawngbâwltu tûr nemngheh hmanhmawh lutuk suh la, mahni invawng thianghlim rawh. 23Tui chauh in tawh lo la, na i nei fo si a, i pum nawm nân uain tlêm in ṭhîn ang che.

24Mi ṭhenkhat sualna chu a langsâr a, thiam loh chantîr nghâl theih a ni; ṭhenkhat sualna erawh chu rei fe hnuah lo chuan a lang nghâl mai lo. 25Chutiang bawkin thiltih ṭha chu a langsâr a, langsâr lo mah se, thup reng theih a ni chuang lo.

Currently Selected:

1 TIMOTHEA 5: MIZCLBSI

Highlight

Copy

Compare