1 TIMOTHEA 4

Pêng bo tûr hrilh lâwkna

1Hun hnuhnûngah chuan miten rinna thu hi an la hawisan ang a, thlarau dik lo hruai bovin, ramhuai laka chhuak zirtîrna dik lo chu an la awih zâwk dâwn tih thlarauvin chiang takin a sawi. #2 Pet. 3:3; Jud. 18; 1 Jn. 2:18. 2Chûng thu theh darhtute chu chhia leh ṭha hriatna del, thîr linga deh châr ang, mi dawthei an ni. 3Inneih te leh thil ṭhenkhat ei te an khap a. Thutak hre tawh ringtute erawh chuan lâwmthu sawi chunga ei atân Pathian siam a ni tih an hria. 4Pathian thil siam tinrêngte hi a ṭha a, eng mah duh loh tûr a ni lo; #Gen. 1:31; Tirh. 10:15. 5lâwmthu sawi chunga dawn mai tûr a ni, Pathian thu leh ṭawngṭainaa hlan thianghlim vek a ni tawh si a.

Krista rawngbâwltu ṭha

6Hêng kaihhruainate hi unaute hrilh la, Krista Isua rawngbâwltu ṭha in ni dâwn nia; rinna thu leh zirtîrna ṭha i zawm ṭhin khân thlarau lamah a ṭhan lentîr zêl bawk ang che. 7Thawnthu dukdak lo mai mai chu hawisan la, thlarau lam thilah insawizawi rawh. #2 Tim. 2:16,23; Tit. 1:14; 3:9. 8Taksaa insawizawi hi a sâwt ngawt mai, thlarau lama insawizawina erawh chu kawng engkimah a ṭangkai a, tûn dam chhûng leh nakin hun atân a sâwt êm êm a ni. 9He thu hi a dik a, pawm tlâk a ni. 10Pathian nung chu kan beisei innghahna a nih tâk avângin kan thawk rim a, kan bei nasa#4:10 Mss ṭhenkhatah ‘min bei nasa’ tih a ni. a ni. Ani chu mi zawng zawng tân chhandamtu a ni a, ringtute tân a ni ber nghe nghe. 11Hêng thu hi pe la, zirtîr zui zêl rawh.

12I naupan avâng maiin tu man ngainêp che suh se, thu sawiah te, chêtziaah te, hmangaihnaah te, rinnaah te, thianghlimnaah te ringtute entawn tlâkin awm ang che. #Tit. 2:15. 13Ka lo kal hma chu vântlâng zînga Pathian thu chhiar te, thu hril te, zirtîr te lo uar rawh. 14Upahovin i chunga kut an nghah laia zâwlneite sawi anga thlarau lam thilpêk i dawnte kha thlahthlam suh. 15Hmang zui zêl la, tuina berah neih la; tichuan, mi tinin i ṭhan zêlzia an hmu dâwn nia. 16I thil tih leh i zirtîrah fîmkhur hle la, hêng hi ti zêl la, nangmah leh i thu ngaithlatute i chhandam dâwn nia.

Currently Selected:

1 TIMOTHEA 4: MIZCLBSI

Highlight

Copy

Compare