1 TIMOTHEA 3
3
Kohhran hotu
1Tu pawh kohhran hotu#3:1 Grik ‘episkopos,’ Latin ‘bishop’ hnathawh duh chuan hna ṭha thawh a duh a ni tih hi a dik#3:1 Mss ṭhenkhatah ‘mi tinin an ti,’ tih a ni. a ni. 2Tichuan, kohhran hotu ni tûr chu sawisêlbo, nupui pakhat nei,#3:2 ‘nupui ṭum khat nei,’ tih theih. insûm thei, rilru fîm, mi zahawm, mi inphal leh zirtîr thiam a ni tûr a ni.#Tit. 1:6-9. 3Zu in chîng lo, kut thlâk mai chîng lo, mi nunnêm, inrem duh mi leh tangka sum ngaina lo mi a ni tûr a ni; 4zahawm taka chhûngkaw khawsak rêla, fate kîlkawi thiam mi a ni bawk tûr a ni; 5mahni chhûngkaw rêl fel thiam si lo chuan engtin nge Pathian kohhran a enkawl theih ang? 6Ring thar mi ni suh se, chuti lo chu a chapo vang a, Diabola angin thiam loh a chang ve dah ang e. 7Pâwn lam mite ngaihsân a ni bawk tûr a ni; tichuan, hmingchhiat hlawhin Diabola thangah a âwk dâwn lo nia. #2 Kor. 8:21.
Kohhran rawngbâwltute
8Chutiang bawkin kohhran rawngbâwltute#3:8 Grik ‘deacon.’ pawh mi zahawm, mi rilru nghet an ni tûr a ni, zu heh leh bawlhhlawh taka hlêp duh mi an ni tûr a ni lo; 9chhia leh ṭha hriatna thianga rinna thu ril chelh tlat mi an ni tûr a ni. 10En fiah hmasak phawt tûr an ni a, mi tling tâwk an nih chuan rawng an bâwl chauh tûr a ni. 11Hmeichhiate#3:11 ‘an nupuite’ tih theih a ni. pawh chutiang bawkin mi zahawm, mi rêl chîng lo, insûm thei, kawng engkima mi rinawm an ni tûr a ni. 12Rawngbâwltute chu nupui pakhat nei, fate leh chhûngkaw enkawl thiam mi an ni tûr a ni. 13Rawng bâwl ṭhate chu an chan a ṭha tial tial ang a, Krista Isua rinnaah pawh an huai telh telh ang.
Kan sakhaw thurûk
14He lehkha ka ziak lai hian lo kala hmuh thuai che ka inbeisei reng a; 15mahse, ka lo tlai palh tâkin Pathian chhûngkua, Pathian nung kohhran, thutak kengkawhtute chu eng anga awm tûr nge an nih i hriat theih nân ka han ziak a nih hi. 16Kan sakhaw thurûk rilzia hi hnial rual a ni lo ve:
Ani chu tisa puin a lo lang a,
Thlarauvin a dikzia a tilang a,
Vântirhkohte pawhin an hmu a, hnam tin zîngah puan darh a ni a, khawvêl puma miin an ring a,
Ropui taka lâk chhoh a ni ta.
Currently Selected:
1 TIMOTHEA 3: MIZCLBSI
Highlight
Copy
Compare
Share
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
