KOLOSIA 4
4
1 #
Eph 6.9
Aafhuw ae, nenchungna thangbaen nache Aafhuw yngkheh omna ichii manghuw nuwna, nensuwh aechu isajaeh ing kuursa aeruw. 2Barungriir iruwh ing henthamnuwna ympah barungriir thoh ngiirtherruw, 3amanche kengkhaena Thangnang ing achong tongnii re Khrista tanii ithuwh chongchu kemandang chehnii lam imongnaka, 4amachu isajaeh ing kentong chehnii khae-nakho ithampeeh saruw. 5#Eph 5.16Apha mamaangmahruw amanche taang-tanii mee ae ningnache ising iveer ing siruw. 6Apha omba khaena nenchongna ningsiih ynvaesana mee vakhae ningna ynsaang basangva kenchiiva ichii chukho manghuwruw. 7#Nong 20.4; 2 Tim 4.12#Eph 6.21,22Taikikus ing ki ynsaangkhe ongning ichiichu neningna riirvaata; atak i nong isajaeh ing atu kening mansiih Aafhuw khaena nong kentufhuwva. 8Havi khaenarap vokhehkho kenuw ynsaangkhe ongnung ichiichu ne-manghuwnii khaena amanche nenrotha amanrohnii khaena ama i neningna kavechiirva, 9#Phm 1.10-12vokhehkho keningsiih kengarang, nong isa ing atu mee Onesimas thohkho ynruwhaknae. Enuw inge havane isuwh chaap aangkheng riirvaatae. 10#Nong 19.29; 27.2; Phm 1.24; Nong 12.12,25; 13.13; 15.37-39Kithoh kaeshum na onghak Aristarkas ingkho Barnabas aunaefhuw Mark ingkho nenuwchu salaam yntusahnah, (ama akhaena kavebaziih vasah khava, thengnave ibathungpeeh saruw.) 11Justus ruming areen Joshua ingkho nenuwchu salaam ynjetusahnah. Thangnang nong katufhuw kaarna enuw ae i vinchiip meepae, enuw inge kavaang inempak emanrum. 12#Kol 1.7; Phm 1.23Jesu Khrista nong atu nemee Ipaphras ing nenuwchu salaam ynvetusah thoh ynruw ing nenuw vakhae ing Thangnang yndentahna mapung ipha meechu ynsuwhnii khaena apha omba khaena athamsahrae eensiisahnah. 13Ama akhaena ki ipirpak ing ngiirsakning, amachuve nengkhaena vokhehkho Laodesia re Hirapolis na ong vakhae khaena ipirpak ing nong atusa. 14#2 Tim 4.11; Phm 1.24; 2 Tim 4.10; Phm 1.24Kaningsiih ithiim Luk re Demas ingkho salaam yntusahna ae. 15Laodesia na ong kauw kanae vakhaena amanche sanuw Nimpha eenna ruwrthiing engka vakhae ningna kaningtanii salaam ipipeeh saruw. 16Hava chongthen i nempa inuwna Laodesia na ong ae ningna paaruw amanche Laodesia ruwrthiing tanii chongthen chukho paaruw. 17#Phm 1.2Arkipas ningna jinge taruw, “Aafhuw ningtanii naraang nongkha amanchinii ing tura.” 18Hava salaam chong i Pol ki katakrap ing kabaziihva. Katak i ynphuwp ingka ongning ichii eensiipeehruw. Neningna Thangnang atungsiihchu om ynsuwhrasii.
Currently Selected:
KOLOSIA 4: MOYO
Highlight
Copy
Compare
Share
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
