1 THESALONIA 1
1
1 #
Nong 17.1
Pol le Silvanus vokhehkho Timothi ing, Apa Thangnang vokhehkho Aafhuw Jesu Khrista na ong Thesalonika ruwrthiing neningna idae re tungsiihchu om ynsuwhrasiing.
2Kenuw ing apha vakhaena nengkhaenache Thangnang chu manpahsa ungka vokhehkho apha vakhaena kenthamsah raenche nengkhaena kemanparsahnah. 3Apa Thangnang maanache nenthacha nong re ningsiih om nenong vokhehkho inuw Aafhuw Jesu Khrista ningna ningmanden icheep omchu kengaansiisahnah. 4Thangnang ing aning ymmansiih kauw kanae ae, nenuw i ama ing eeteerchu kamanghuwsa; 5akhaechuve kenuw ing neningna kemanchuwchuw isa chongkha chongsae pang kenjereen mahva, changvakonchu ruwreng re ynthiing laetha thoh, atatak ing kemanghuw thoh ynruw ing ithengpung; nenuw nengkaarna ynchii meepung ichii kentaksah ing kemandangkha nenuw ingkho nemanghuwsa. 6#Nong 17.5-9Aafhuw re kenuwchu anu ynjii nenuw ynsuwh sachuw; amanche ijachaam inempak phakhang tanuwre, nenuw ing ynthiing laetha thohche isa chongchu nengaraangpa. 7Chukhaenache nenuw inge Mesidonia na ong thacha mee aangkhengna aandangniichu hunginsuwh sachuw. 8Akhaechuve Mesidonia vokhehkho Akhaia napangche neningtanii Aafhuw isa chongchu ensiimahva, changvakonchu Thangnang ningna nenthacha inche aphamsiirna aphachirpa; chukhaenache kenuw ing ichongbirnii yntanga omah. 9Kenuw ing neningna kenvathenglae rukuum ynghentusahchuw khaenare, lae ruthaksii nenrum tanii ichum vokhehkho iring Thangnang ting nemae henbaheer chuwka nenrum, 10ithii tanii ihangring thangbaen tanii asapa nenghah vokhehkho ikarpeeh nenpha khaena chong enriir.
Currently Selected:
1 THESALONIA 1: MOYO
Highlight
Copy
Compare
Share
Want to have your highlights saved across all your devices? Sign up or sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
