MATIMANGOU KAPYII 13
13
Saramkow hangna mangou kapyii
1Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle. 2Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle, 3sateichii ahmah phyii- bung hang kak kito phyiibung hangniniigo tai kabui tiisii rajam kabam takumpii Inii ngoule, nlenii rajam tei biwotakle, sateichii sazyii pouryii hangnii sung gatakle satei- chii saramkow teitei swiwo takle. 4Sateichii ahnyiinii mwigatpwi gotei mata takle, dapokii ahnii saramkow dateikii teimaham pyiitakle, sateichii ahnyiinii saramkow gotei matasii tamle, “Saram kowgo njoi katu ta leipo? Sateichii ahgo tanii saryii tiiwo buipo?”
5Sateichii ahdakii palhii kadi ninado Saraago maning kamala sam katam mah mwi hangninii pyiitakle, sateichii sakhii rekdaisiinakhii katang jangpii teimaham teitei pyiitakle. 6Sateichii ahnii Saraago, sateichii mpou zeigo, ninado mpounii lungkalei bam gotei, sateichii sating gamto lungkalei hang gotei sheengtu takle. 7Sateichii kamatei meihang go saryii tiisanii ahnyiigo ngam tang karam mah teimaham tei ahdakii pyiitakle; sateichii sadung, lui, lat ninado meilui hang phyiiryii teito teimaham tei ah dakii pyii bamtakle. 8Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.
9Mei kata hangninanii khoi pung leileponii, ahnii shiimatulo. 10Mei kata hangniniigo maringpouchyii chyiitat tutang karam leileponii, ahnii maringpouchyii kitei tat tangle; mei kata hangniniigo saryiikhang teipii gitang karam leileponii, ahgo saryiikhang teipii gitat tang ka- ramle. Lungleh kati ninado kamalum tei kamateimei jangpii aito lat leile.
11Sateichii saramkow kaki hang- ninii sazyii kangto kapat tei Inii ngoutakle; Sateichii ahtei Jaonah takumpii kha hangna pungle, sa- teichii ah teinii mwigatpwi takumpii malhiile. 12Sateichii karei saramkow mah teimaham hangtei ah doito poisii tha tiile, sateichii rajam pung- kalei bikalu karei saramkow gotei sazyii pouryii ninado teilungto lungkalei hang go mata matutakle. 13Sateichii ahnii meihang doikii sating gamto sazyii pouryiikii mi m-mang tang karam jangpii siiti kadi kadi tiile; 14sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.
15Sateichii saramkow mah tingtu param teinii sam tam matu tang karam jangpii, sateichii saramkow mah tingtu param gotei mata kasumei hang go gitang karam jangpii, saramkow mah tingtu param kiteikii chyiingai miitkai pyii tang karam teimaham tei ahdakii pyiitakle. 16Sateichii kacheng kadi, kanimei ninado kagamei, sateichii laat kabam mei ninado meiki kaleimei, ahnyii hang phyiiryiikii ahnyiimah bah ajiilamkii mak-kii ahnyiimah saiphang gamkii tikabui siiti hangninii pyiitakle. 17Sateichii siiti tei katunii saramkow mah zei mak-kii ahmah zeimah asaa tei pung kaleimei teisupiinii meikaniido mah lyii wolakle.
18Ainii swirek kabigo latsii leile: kati kalei meihangnii saramkoumah zeimah asaamah kaang tei fii mpat matulo. Kadapokii ai ai meinah mah asaale, aimah asaanii (666) haisiiruk reksiiruksii siiruk nkhiile.
Currently Selected:
MATIMANGOU KAPYII 13: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
