Popular Bible Verses from MATIMANGOU KAPYII 13

Share

Ainii swirek kabigo latsii leile: kati kalei meihangnii saramkoumah zeimah asaamah kaang tei fii mpat matulo. Kadapokii ai ai meinah mah asaale, aimah asaanii (666) haisiiruk reksiiruksii siiruk nkhiile.

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

Sateichii kacheng kadi, kanimei ninado kagamei, sateichii laat kabam mei ninado meiki kaleimei, ahnyii hang phyiiryiikii ahnyiimah bah ajiilamkii mak-kii ahnyiimah saiphang gamkii tikabui siiti hangninii pyiitakle. Sateichii siiti tei katunii saramkow mah zei mak-kii ahmah zeimah asaa tei pung kaleimei teisupiinii meikaniido mah lyii wolakle.

Mei kata hangniniigo maringpouchyii chyiitat tutang karam leileponii, ahnii maringpouchyii kitei tat tangle; mei kata hangniniigo saryiikhang teipii gitang karam leileponii, ahgo saryiikhang teipii gitat tang ka- ramle. Lungleh kati ninado kamalum tei kamateimei jangpii aito lat leile.

Sateichii kha kearii, phyii- bung sana kapung, sateichii ahmah kha hang phyiiryii teikii sagong phyiihung kearii kalei ninado ahmah phyiibung hang gam teikii Saraago maning kamala zei kalei Saramkow hangninii dwijai kito pat kalei tei Inii ngoutakle.

Sateichii kamatei meihang go saryii tiisanii ahnyiigo ngam tang karam mah teimaham tei ahdakii pyiitakle; sateichii sadung, lui, lat ninado meilui hang phyiiryii teito teimaham tei ah dakii pyii bamtakle.

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle. Sateichii saramkow mah tingtu param teinii sam tam matu tang karam jangpii, sateichii saramkow mah tingtu param gotei mata kasumei hang go gitang karam jangpii, saramkow mah tingtu param kiteikii chyiingai miitkai pyii tang karam teimaham tei ahdakii pyiitakle.

Sateichii Inii kangou saramkow tei Kowrokgo raile, sateichii ahmah pi kouzhii teinii sahom takumle, sateichii mwijong teinii nongsa mah mwijong takumle. Sateichii mwigatpwi teinii ahmah teimahamle, sagongbam ninado teimaham kadi tei ahgo pyiitakle

Sateichii ahdakii palhii kadi ninado Saraago maning kamala sam katam mah mwi hangninii pyiitakle, sateichii sakhii rekdaisiinakhii katang jangpii teimaham teitei pyiitakle.

sateichii ahmah phyii- bung hang kak kito phyiibung hangniniigo tai kabui tiisii rajam kabam takumpii Inii ngoule, nlenii rajam tei biwotakle, sateichii sazyii pouryii hangnii sung gatakle satei- chii saramkow teitei swiwo takle.

Sateichii saramkow kaki hang- ninii sazyii kangto kapat tei Inii ngoutakle; Sateichii ahtei Jaonah takumpii kha hangna pungle, sa- teichii ah teinii mwigatpwi takumpii malhiile. Sateichii karei saramkow mah teimaham hangtei ah doito poisii tha tiile, sateichii rajam pung- kalei bikalu karei saramkow gotei sazyii pouryii ninado teilungto lungkalei hang go mata matutakle.