MATIMANGOU KAPYII 14
14
Jaonah ninado ahmah mei
1Teito Inii ngoutakle, sateichii julo, Zaiyon zang gamto Jaonah teinii sat takle, sateichii ahnyii saiphang gamkii ahmah zei ninado ahmah pfii zei ryiibamsii kalei mei lakh hangninii tang rekdaisiimadai nkhii (144000) ahgo kaswi leile. 2Sateichii sating gamto rok hang- ninii dwi nrung takumpii ninado katei sating katwi koi takumpii Inii shiitakle, sateichii shii katu roktei ketat-tung kakongmeinii ahnyiimah ketat-tung kakongmah rok takum; 3sateichii ahnyiinii sagongbam doi- teito, sateichii karing kounah madai doiteito sateichii katingmei hang doiteito kasatai lhii hangninii tiile. Lhii tei sazyii pouryiito kalei kalumei lakh hangninii tang rekdaisii madai nkhii (144000) teisupiinii mei hang- ninii kado tei lhii tei ralipei wolak kiile. 4Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile. 5Sateichii ahnyii mwi kito kachui tei doumakle, ahnyiinii sajek gale.
Sating gamlui hangtum
6Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle; 7Sateichii ahnii rok sagoisii tamle, “Saraago hinglo, sateichii ahgo tam matoilo. Kada- pokii samtak tiitang karam ahmah tinglang tei gongtakle, ninado sating go, sazyii pouryiigo, dwijaigo ninado dwipok hang go tiikapyiipii ahgo matalo.”
8Hangna kashang sating gamlui kaki hangninanii tamle, “Luihang go mpoupeimah matei kasu lungka- syiimah jou sak matu katu, kadi Bebilon tei koutakle, mpoupei tei koutakle!”
9Ahnyiitai kana hangtum kashang kaki sating gamlui hangninanii tamle, “Mei kata hangninanii saram- kowgo sateichii ahmah tingtu param gotei mata leponii sateichii ahmah seiphang gamkii mak-kii bah kikii siiti tei douleponii, 10ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle. 11Ahnyiigo tiikamage katumah mika tei kalui gasii hamtu takle; sateichii saramkowgo ninado ahmah tingtu paramgo kamateimei hang teiniido, sateichii ahmah siiti dou- kalu ahnyiihang teiniido tinghum tingna ntak makle.”
12Saraamah kakhatsam ninado Jisumah kamalum go swisii kalei kamateimei hangnii lung lehti tang karam jangpii lat leile.
13Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”
Sazyii pouryii mah karachet
14Sateichii Inii jule, ninado julo, mongjyii kaha ninado mongjyii phyiiryii teito aphyii gamkii sanapii katii sagong phyiihung sateichii bah kikii mwi kabi kadou kalei meinah sapfii mpougo karai hangninanii bamle. 15Sateichii kaki sating gam- lui hangninanii Saraa kamaningki nito tatpatsii mongjyii phyiiryiito bam kalei ah dakii rok sagoisii tamle, “Gomah kadou tei poi wosii rachet tulo, kadapokii rachet tang karam tinglang tei gongtakle, kadapokii sazyii pouryiimah lutei mwitakle.” 16Sateichii mongjyii phyiiryiito kabam ah teinii sazyii pouryiikii ahmah kadou tei m-mang pyiisanii sazyii pouryiigo rachet takle.
17Sateichii kaki sating gamlui hangninanii sating gamto kalei kamatei Saraa kamaningki teito tatpat takle, sateichii ahdo mwikabi kadou hangninii leile.
18Sateichiimi phyiiryiito teimaham kalei kaki sating gamlui hangninanii Saraago pyiikatoibam kiteito tatpatsii, kadou mwikabi poikalei ah dakii rok sagoisii latle, “Gomah kadou mwikabi tei poiwosii sazyii pouryiimah darkha riitilu kiteito darkhati hangtei rachet tulo, kadapokii darkhati tei mwitakle.” 19Sateichii sating gamlui teinii ahmah kadou tei sazyii pouryiikii m-mang pyiisanii, sazyii pouryiimah darkhati hangtei rachet tosanii, teitei Saraamah hangkapii hungsii rakarhiimah darkhati kakaryii kadi kiteikii toikai aitakle; 20Sateichii darkhati kakaryii bamtei namdiki sabato karyiile sateichii takoi ghii kikii kakai sagyiireng kanat metar hangnakii kathok ninado mail haina katang tei darkhati kakaryii bam kito zai tei longtat takle.
Currently Selected:
MATIMANGOU KAPYII 14: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
