PILIPIMEI 2
2
Krista mah lung kamanoi ninado kadi kathang
1Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii, 2Inii gonyiigo khangleile katunii, kamaning lung- swi hangninii leisii, sateichii njoi katu lungkasyii kito njai poi njoisii, sateichii rakot lamto ninado lungswi lamto hangninii tiisii, n-gu matwi mashangsii tii ntapyiilo. 3Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo. 4Sateichii mpou jangpii roinii maning matu supii mei hangni hangniniimah tiikanyii lungkaring tei fiimatulo. 5Krista Jisu dato kalei lungswi tei gonyii datodo leimatulo. 6Mpounii Saraamah jailui kito tinglang kaleita leile, nlenii pumtei tiisii mpounii Saraago kamasam tang karam tei mpounii maning makle. 7Tei tungpii mpounii kama- zhii lungswi kito mpoumah kabam hangtei mpounii toi aitakle sateichii kikaleimei hangniniimah jailui tei mpounii poi wotakle, mpounii meinah hangninii tiisii lung wotakle, sateichii meinah mah njoi kito mpounii gongpyii takle. 8Mpounii lung manoile sateichii mpounii krosh gamto katai–katai pwidi mata tei mpounii katam kaswi mah pwidi tei tatle. 9Teijangpii Saraaniido mpougo sagoisii tam matoi pyiisii, zei hang phyiiryiito kasat zei tei mpou dakii pyiitakle, 10katunii, sating gamto, sazyii pouryiito sateichii sazyii kangto kalei karing hangmah kakhok tei Jisu zei kito nkui tangle, 11sateichii Pfii Saraamah pumtei kava jangpii mahlyii hangnii, Jisu Krista ai Bangpiile katu tei madupii tam mpat tangle.
Sazyii pouryiito mi kava takumpiinii kava
12Teipiinii, gu kangmei, tinglang kaleita gonyiinii katam swisii kalei takumpii, Inii gonyiigo kaswisii kalei kikak roinii supii aitoi Inii gonyiigo kaswisii leikasu ki kakdo nlailoisii kisii hingsii ninado nchyiidung dungsii tha tei tiisii leihumlo, gonyii mah kaleikapyii karing tei matwi mashangwo kabui tiisii, 13dapokii mpoumah kamaning kamarei jangpii tiikanyii kamaning ninado katam swimatu tang karam jangpii tinglang kaleita Saraanii gonyii lung kito tha tiisii leile.
14Manam marang katu mak-kii kachyiinhii katu gasii mahlyii hangtei tiilo. 15Kadapokii gonyiinii kashyii kahong ninado kem katiimei ha kak kito sajek gasii mateisii, sajek kaga Saraamah nahmei tiiwo kabui jangpii, sating gamto vakaki sageiti hang takumpii gonyiinii ahnyiihang kak kito vatang karamle. 16Gonyiinii ahnyiigo karingmah kabi rasam katam kito gonyiinii teitii leponii, Kristamah leimik piinei; gonyii jangpii Inii detdi tang kaang tei leitangle; dapokii Inii mahungsii tha katiihang tei kadak makle katu tei aipii mangou tangle.
17Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale. 18Sateichii tei kakum gonyiiniido n-gu kaswisii nta tang ninado ranga tang karamle.
Timothi nei Ipaproditas
19Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle. 20Kadapokii gonyii- mah kaang kito majyiisii jumatui seitang karam, mpou takumpii mei kaki hangninii kado I-gale. 21Kadaponii ahnyii hangnii mpou mpoumah tiikanyii pungkanyii tei fiile, Jisu Kristamah teinii fiimakle. 22Nlenii Timothimah kasang tei gonyiinii tile, katunii, nahnii Pfiigo nga kanga takumpiinii, mpounii n-gu kaswisii kabi rasam tam ralikapyii kito kaswisii nga nga njoipyii takle. 23Teijangpiinii gudato kadada takumpii pat tangpo katu Inii tisekchii, mpougo Inii kalangsii lang magong tanglesii Inii maning malumle; 24sateichii gu pum katangdo kalangsii gong tangle katu Inii Bangpii zei kito malumle.
25Nlenii Inii nyii kangsanapiigo kaswisii tha tii njoisii kalei ninado kaswisii saryii tiisii kalei, sateichii gonyii dakii sampao kapungmei tiisii kalei ninado tiikaha kamarei gumah tha katii kito nga ngakapyii, Ipapro- ditas go gonyii dakii lang magongsu shyii taklesii maningle; 26kadapokii mpounii gonyii hang go saryiisii lungswi hangkapii kamagesii leile, daponii mpou ranisii leile katu gonyii- nii shiitakle. 27Kasangpii mpou ai ranisii leile, taina takle. Nlenii Saraanii mpougo lungsyii pyiitakle; sateichii mpougo roisupiinii, Inii kamage phyiiryiikii kamage dou matulak tang karam jangpii, n-gudo lungsyii pyiitakle. 28Teijangpii gonyiinii mpougo ngouloi katu kito nta matutang karam jangpii, satei- chii gumah kamage ai chengniikii nkhiihai matu tang karam jangpii, Inii mpougo kisii lungsyiisii lang magong takle. 29Teijangpii Bangpii zei kito ntasii mpougo lukaipyiilo, sateichii tei kakum mei gotei sadzyii ngariit tiilo, 30kadapokii mpounii mpoumah karing tei katai nei karing kak kito tha tiile ninado Kristamah tha tiitang karam jangpiinii taido taina takle, gonyiinii n-gu pyiipei kalak tiikaha tei pyiitang karam jangpii.
Currently Selected:
PILIPIMEI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
