PILIPIMEI 3
3
Mahlyii hang maga aikido Krista doukalunii katongle
1Kalui kito, gu kangsanamei, Bangpii zei kito ntalo, gonyii dakii asung ryiikalei hangtei nlailoisii Inii gonyii dakii ryiiloi tang karam ai n-gu tiikamage makle, nlenii Inii tiileponii gonyii jangpii bibwi tangle. 2Achyii hang dateito sakai wolo; kashyii kahong tha katiimei hang dateito sakai wolo; pum dang katoimei hang dateito sakai wolo, 3kadapokii nyiinii Sara- amah rangii paikito Saraago kamata, Krista Jisumah kaang kito detkadi ninado pum kikii kamalum samah kado kaga, kasang tiigyii kamalem doukalumei teile. 4Guroinapii Inii pumzai kikii maning malum tang karam kaang leikado, mei kaki kata hangninanii pumzai kikii mpounii maning malum tang karam kaang leilesii maning leponii, Inii kisii leile: 5Inii leimik siisat kashang piinei tiigyii kamalem, Benjamin mah sadung kito kama Isrelmei, Hebrumei hang kak kito, Hebrumei hangninii tiisii kamanaa ajaiting- shang taiswisii kabijai katiimei, 6sateichii lung kaliit kito charshgo kaset kalak kapyiipii, ajaitingshang taikaswi kasang kamajyii kito sajek kagameile. 7Nlenii Inii katonglesii fiikabui hangtei, kagalesii Krista jangpii Inii aitoinii poitakle. 8Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle. 9Kadapokii ajaiting- shangnii katam swikalu kito kadou, gumah kasang kamajyii tei supii, kamalum paikito Krista dato kadou, Saraa dato kamalum taiswisii kadou kasang kamajyii tei aitoinii Inii dousii Inii Kristago katong dou wosii mpougo tiigatpii njasii hangninii tiiwo kabui jangpii, 10katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii, 11katunii, mazhii leponii Inii katai kito ringkakhii tei dou wokabui jangpiinii.
Mik leeng kabam niteikii pak kaisii
12Aitoinii Inii doutakle mak-kii bimatui takle katumah makle, nlenii Krista Jisunii n-gu mpou dakii jum- kai kapyiimah alangh tei doutang karam jangpii Inii mahungsii tiileile. 13Kangsanamei, teitei Inii kasangpii dou wotaklesii maning makle; nlenii Inii katii hangninanii, atailamto kalei hangtei mangai aisii, doilamto kalei gotei kabaapisii leile. 14Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.
15Rangii lamto sangting kalu nyiihangnii njoi katu lungswi ai leitang karamle, nlenii gonyiimei kangkanii katham lungswitei leile- ponii, aido Saraanii gonyii dakii mati mangoupyii tangle. 16Nlenii kata kado, aitoi katang nyiinii swipi kalu njoi katu ajaihang taiswisii nyiinii doilam tatde.
17Gu kangsanamei, gonyii hang- nii gu jai karalimei tiipyiilo, sateichii nyiinii gonyii jangpii tiikamangou teitakumpii katat ahnyiigo tiigatpii julo. 18Gonyii dakii ai ai biniiroi supii asungdo Inii tam takle, sateichii aitoido Inii mikdwi njasii tam loileile; katunii, Kristanii Krosh gamto kataigo ahnyiimah karing teipiinii ahnyiigo kangourou matu katu meihangkii leile. 19Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle. 20Nlenii nyiinii sating gamto lungtang karam meihangle ninado sating gamto kagong Bangpii Jisu Krista, nyiigo kaleikapyiipiigo nyiinii saryiisii koileile. 21Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.
Currently Selected:
PILIPIMEI 3: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
