JEMS 5
5
Mah kanimeinii tiitang karam
1Aitoinii patlo, he mah kanimei! Gonyii phyiiryii gongkalei kamaswi kamage hang jangpii hatlo sateichii hat nrung tulo. 2Gonyiimah kani kahii hangtei thamga ramga takle, sateichii gonyiimah peimani hangtei karaknii chiitoi aitakle. 3Gonyiimah sanah ninado sana raguiba hangtei dwihet tiiga takle, sateichii teimah dwihet katii hang teinii gonyii phyiiryiikii sakchyii tiitangle, sateichii mi takumpii gonyiimah pumpot tei chii tangle, gonyiinii tinglang kareiki kani kahii poi nduibam takle. 4Gonyii lu kara- chet meigo gonyiinii tha katiimai ajhang pyiimakle; ahnyiinii saa kalei tei shiilo! Gonyii lu karachet meinii saa kalei hangtei Saraa kadi Bang- piimah khoi kito shiitakle. 5Gonyiinii sazyii pouryiito doukamajyii sung kisii kashaat ninado kasamou tiilung tei lung takle, gonyiigo gitang karam leimik piinei jangpii gonyii roinapii gonyiinii pokfiibam takle. 6Kasang kamajyiimeigo gonyiinii tam ma- shyiile sateichii gido gi aitakle, sateichii mpounii gonyiigo mazhii kasu tiimakle.
Kamage leh kati ninado kariita
7Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile. 8Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.
9Kangsanamei, gonyiigo samtak tiikasu tiisii, gonyii hangninanii hangninii phyiiryiikii tam mashyii sulo, julo, samtak katiipii teinii kikam kuto satsii leile. 10Kangsanamei, Bangpii zei kito katam lungkakaling- mei hang gotei maning gonglo. Ahnyii gotei kamage kalak kadou sateichii lung leh katimah nda tiikamangou hangninii tiisii poipyiilo.
11Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.
12Nlenii kangsanamei, mahlyii hang phyiiryiito, sating sazyiipii mak-kii, mah kata hangninii piiniido riishii riisat poisulo. Nlenii gonyii- mah nle katu tei nle matulo, sateichii gonyiimah makle katu tei makle matulo. Teitiileponii gonyiinii Sa- raamah samtak katii kangtei liit lakle.
13Gonyii kak kito mei kata kangkii kamage kalak dousii lei- manii? Ahnii riita matulo, mei kata kangkii ka-nta dousii leimanii? Ahnii tam kamatoi lhii tiimatulo. 14Gonyii kak kito mei kata kangkii ranisii leimanii? Ahnii Charsh ki kating- meigo lat matulo, sateichii ahnyiinii Bangpii zei kito thao manuk pyiisii, ah phyiiryiikii riita kaipyii matulo. 15Sateichii kamalum meimah ka- riita teipiinii rakanipii gotei keipyii tangle sateichii Bangpiinii ahgo kok matupyii tangle; sateichii ahnii kama tiibam leponii, ahgo kaleipyii tangle. 16Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile. 17Ilaijahdo nyii takumpiinii nu- nuto meinah hangniniile, satingryii matulak tang karam jangpii mpounii lungliitsii riitale, sateichii tingkum hangtum sakhii saruk jangpii sazyii- kii sating ryiipyii makle. 18Sateichii mpounii nlailoisii riitasii, satingnii tingryii tei pyiile, sateichii teinii ti mati takle.
19Gu kangsanamei, gonyii kak kito mei kata kangkanii kasang kito dhiisii tat tuleponii, sateichii mei kata kangkanii ahgo pang nlaigong leponii, 20kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.
Currently Selected:
JEMS 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
