JEMS 4
4
Sazyii pouryiigo kanghe katii
1Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo? 2Gonyiinii mah mareile, nlenii go- nyiinii doumakle, teijangpii gonyiinii gile. gonyiinii hangkapii mah kata mareile, nlenii gonyiinii doupei lakle, teijangpii gonyiinii ka n-gile ninado saryii tiile, kadapokii gonyiinii khang makle. 3Gonyiinii khangle sateichii doumakle, kadapokii gonyiimah pum- zainii kamarei ka-ntha hang kiteikii tiimaga tang karam jangpii gonyiinii maning maasii khangle. 4Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile. 5Mak-kii “Saraanii nyii lung kikii kai kabam rangii ai hangkapiinii mahungsii doukanyiipii tokryiile sii kabi rasam kito tam kalei ai kasang maklesii gonyiinii maning leipo?” 6Nlenii Saraanii jumage kapyii tei kisii pyiile; teijangpii kabi rasam kito tamle, “Detkadi meigo Saraanii mazhii makle, nlenii lung kamanoi meigo jumage kapyii tei pyiile.”
7Teijangpiinii gonyii roinapii gonyii Saraa dakii pyii ailo, Sara kashyii gotei saryii tiilo, teito ahnii gonyii dato pakga tangle. 8Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei! 9Swi kamagelo, mageelo, ninado hat tulo, gonyii mah kanui tei kahat kikii, sateichii gonyiimah ka-nta tei swi kasyii kikii tiikali ailo. 10Gonyii roinapii gonyii Bangpii doito sanasii lung manoilo, teito mpounii gonyiigo poisagoi pyii tangle.
Go kangsanapii phyiiryiikii samtak tiisulo
11Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile. 12Keipyii kabui ninado tiimaga kabui ajaitingshang kapyiipii ninado samtak katiipii ah teinii hang- ninii roile. Nlenii goki tiinaniipa- meigo samtak tiikalei nangnii tapo?
Det palhii disulo
13“Tingnei mak-kii supounei nyii- nii teiki namdi kitei maasanii, teikito tingkumkii bampii lilaa tiitakpokii, katong fiitanglesii tam kaleimei gonyii, aitoi patlo.” 14Supounei kadapei pat tangpo katu katangdo gonyiinii timakle, gonyiimah tiilung ai kada- peipo? Gonyiinii tinglang shangniikii jangpii gongsii gakatu kamong takumle. 15Tei tungpii “Bangpiinii mazhiipyii leponii, nyiinii ringsii ai ai mak-kii tei tei tiitangle” sii gonyiinii tam tang karamle. 16Nlenii aitoinii gonyiinii det palhii tiile, ninado aghang tiile. Tei kakum aghang katii hang ai kashyiile.
17Teijangpii kadapei tiichii bipo katu tisii kabi tei tiikasu ai ah jangpiinii kamale.
Currently Selected:
JEMS 4: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
