HEBRUMEI 2
2
Keikapyii karing kadi
1Teijangpii teikito nyiinii ngalum kasu tiisii nyiinii shiikalu kasang kiteito kisii sangtingsii nyiinii sat tang karamle. 2Nyiipei nyiipaomei dakii sating gamluinii pyii katu samtam tei kasangle katu mangou takle, sateichii teigo tei swikasu mak-kii katam swikasumei teinii mpounii doukamajyii kadwi karat tei doutakle. 3Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle, 4Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.
Keikapyii karingni pang gong kapyiipii
5Kadapokii nyiinii riishii kalei gong tang karam kasatai sazyii pouryii tei Saraanii sating gamlui kang nkang matu makle. 6Nlenii bam hangninii kikii kabi rasam kito aitiisii sakchyii pyiisii tamle,
“Nangnii maningseisii kalei meinah ai kadapeipo?
Mak-kii nangnii juseisii kalei meinah sapfii mpou ai kadapeipo?
7Nangnii mpougo sating gamlui hang doito tinglang shangniikii jangpii chengniikii tiisanapyii takle;
nangnii mpougo pumtei kava ninado sadzyii ngariit katii teipii phyiihung choipyii takle,
8mahlyii hang phyiiryiito
mpougo apum tiimatu takle.”
Saraanii meinahgo mahlyii hang phyiiryiito apum tiimatulesii tamle, ai ai maning riirhiitu gasii mahlyii hang haile. Nlenii mahlyii hang go meinahnii apum tiikalei tei nyiinii aitoi ngoumakle. 9Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.
10Kadapokii mpoumah pumtei kavamah njai tei dou njoi matu tang karam jangpii nah sapfiimei hang- kiigo pang gong kabui tiisii, mahlyii hang go tii mpatpyiisii, makotpyiisii kalei Saraa teinii, Jisugo kamage kalak leh katu paikito sajek gasii bimatui matu majyiile. Kadapokii keikapyii karing kikii ahnyiigo chyiitat kapyii tei Jisule.
11Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle, 12mpounii Saraa dakii tamle,
“Inii gomah zei tei gukangsanamei dakii saa mpat tangle,
meimoi ndwi kalei sum teito Inii n-go tam matoi tangle.”
13Nlailoisii mpounii tamle,
“Godakii gumah kamalum tei leitangle.”
Sateichii nlailoisii mpounii tamle,
“Saraanii n-gu pyii kabam nahmeigo kaswisii I-aiki leile.”
14Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile. 15Sateichii ka- taigo kahing jangpii ahnyiinii tiilung mata bang kabam kang nkangsii kalei meihang go aitiisii laat mpat pyiile.
16Kadapokii kasangpii mpounii sating gamluigo tiiha makle, nlenii mpounii Abraham taa nahmeigo tiihale. 17Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle. 18Kadapokii mpou pum sekpiinii kahem ninado kamage kalak leh katu doukalu jangpii kahemnii hem kalei meigo mpounii tiiha wobuile.
Currently Selected:
HEBRUMEI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
