GALATIMEI 5
5
Gonyii rangra katii tei jumatoulo
1Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.
2Julo, Pol, Inii gonyii dakii tam leile, katunii, gonyiinii tiigyii kama- lem tei douleponii, Krista ai gonyii jangpii kabi tiitang karam samah kado gatangle. 3Nle, tiigyii kamalem meihang dakii Inii nlailoisii sakchyii pyiileile, katunii, mpounii ajaiting- shang mpum madum tei ryiitang karamle. 4Ajaitingshang paikito tiimajyii tiimatwi pyii matu tang karam jangpii mahungsii tiisii kalei gonyii Krista dato tak ndang gatakle, gonyiinii jumage kapyii kiteito kougatakle. 5Kadapokii nyiinii rangii paito kamalumpii kasang kamajyii mah maning kamalum jangpii koileile. 6Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.
7Gonyii bisii tiisii leile, kasang gotei swi matulak tang karam jangpii gonyiigo tanii dang leipo? 8Kahem ai gonyiigo lat kapyii mpou dato makle. 9Ahee chengnakapii athoknwikang hang gotei pung matu wole. 10Gumah lungswi tei supii lungswi kaki tei gonyiinii poilakle katu Inii Bangpii zei kito malumle, nlenii gonyiigo tii- magesii kalei ahtei, kata kata kado mpoumah samtak katii tei doutangle.
11Nlenii kangsanamei, aitoi katangpii tiigyii kamalem tei tam ralipyiisii leileponii, kadajangpii n-gu aitoi katang tiikamagesii leipo? Teileponii kroshnii doikadang tei mpat takle. 12Gonyiigo tiikamagesii kalei ahnyii gotei tiigyii kamalem doito kisii pum katangdo rum ndang aileponii Inii lungtei saat tangle.
13Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo. 14Kadapokii ajaitingshang mpum madum ai kakhatsam hangninii kikii fii-ndwi bamle, teinii “Goroinapii n-go lungkasyii takumpii goki tiinanii- pamei hang go lungsyiilo.” 15Nlenii gonyii hangninanii hangniniigo saram kounah takumpii kamakisii chiitoi kati tiisii leileponii, machyiigat wolo, suleponii gonyii hangninanii hang- niniigo tiimagakat aitangle.
Rangii kamateinii chyiikatat
16Nlenii Inii tam leile, rangii paito tatlo. Sateichii pumzaimah ka- marei ka-ntha tei tiisulo. 17Kada- pokii pumzai mah kamarei ka-ntha teinii rangiigo mazhii makle, sateichii rangiimah kamarei ka-ntha teinii pum zai go mazhii makle. Ka- dapokii gonyiinii kamarei kamarei tei tiimatulak tang karam jangpii, hangna ai hangninanii hangninago mazhii makle. 18Nlenii gonyiigo rangiinii chyiitat pyiileponii, gonyii ajaitingshang kaang nkang makle.
19Pum zaimah tha hangteinii aitiisii matitu leile: sapwimei sapfiimei kashyii kahong tha katii, matei kasu, mei jaitingshang kasu, 20tingtugo kariita, riikuhii kajum, kangourou katu, n-gi razyii kapat, kamaimhii kati, kararhii katu, mpoujangpii kamaning, njairiit riit katu, kagu kaphang katii, 21kabigo kathairou katu, jou sak kapiinhii, jou sakmaga katu sateichii tei kakum njoi tha tiisii kaleimei hang teinii, Saraamah sating sazyii tei doulak lesii Inii gonyiigo asungto kakhatsii katam takumpii Inii gonyiigo kakhatsii tam leile.
22Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui, 23lung kamanoi, mpouroinapii mpoupumgo jum kati, tei kakum hang phyiiryii teikii, mazhii kalak ajaitingshang gale. 24Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle. 25Rangii paito nyiinii tatdo tatle. 26Nyiinii matapii mpou mpou det disii, hangninanii hangniniigo kara- rhii katu, katairou katu tei tiisuleje.
Currently Selected:
GALATIMEI 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
