IPISAMEI 6
6
Pwi pfii ninado nahmei
1Nahmei, Bangpii zei kito gonyii pwi pfiinii katam tei swilo, kadaponii ai kasangle. 2“Gonyii pwi gonyii pfiigo dzyii roulo,” (ai ai riishiigo kaswi kalei kakhatsam karei reisang teile). 3“Kadapokii mahlyii hang kito gomah sadoi biwo kabui ninado sazyii pouryiito lung mathang tang karam jangpiile.”
4Gonyii pwi pfiimei, gonyii nahmeinii rarhii tang karam jairali tei ahnyiigo tiimangou sulo, teitung- piinii Kristenmei mah tingshang kabi ninado katam karali kito ahnyiigo makot makhii pyiilo.
Kikaleimei ninado apum mei
5Kikaleimei, kahing ninado ka- nchyii tei njasii Krista dakii tiikalei takumpiinii lung mateisii gonyiimah sazyii pouryiimah apum meinii katam tei swilo. 6Meimah dzyii kabi katiimei takumpiinii mik kangoumah nga kanga tei tiisupiinii, Kristamah kikaleimei takumpii lungto Saraamah kamaning tei tiipyiilo. 7Gonyiinii meidakii tiikalei takum supiinii, Saraa nga ngakalei takumpii, nta ntasii gonyii tha tei tiipyiilo. 8Kikaleimei kado apum mei kado meihang go, mpounii katii tha kabi jangpii, Bangpiinii alangh tei pyiitangle katu tei mangai sulo.
9Apum mei, gonyiimah kikaleimei dakii teigo tei njoisii gonyiinii tiipyiilo, sateichii kikaleimeigo kahwisii kalei hangtei matou ailo, ahnyii mahdo sateichii gonyii mahdo Apum tiisii kalei mpoutei sating gamto leile sateichii mpou dato kaku ka-nraang gale katu tei mangai sulo.
Kristenmei mah saryiinat
10Bangpii zei kito sateichii mpou- mah kadi teimaham kito teimaham- sii bampyiilo. 11Seitanmah achoi aru kashyii hang kiteito gonyiinii satto kabui jangpii, Saraamah saryiinat hangtei kai wolo. 12Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile. 13Teijangpii kashyii ting- lang leimik tei gongchii gonyiinii satto kabui jangpii, sateichii matum madum tei tiisang takle sekchii sat tang karam jangpii, Saraamah saryiinat hangtei kai wolo.
14Teijangpii kasang teipii kakee kak kabam haikak tiisii, sateichii kasang kamajyii teipii gonyiimah takoumah kokryii tiisii, 15Sateichii kamajung kabi rasam tam matitang karam jangpii tiikakada teipii gonyii- mah pichot tiisii, 16tinglang kaleita kamalum tei kokryii hangninii takumpii gonyiinii pungtatlo. Kada- pokii sara kashyiimah rot ka-mpat misung kalei kokpi ti hang gotei gonyiinii teiteipii namtoi wobuile. 17Keikapyii tei Saraamah phyiihung hangninii tiisii sateichii Saraamah samtam tei rangiinii gonyiigo kapyii saryiikhang hangninii tiisii lukai wolo. 18Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo. 19Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo. 20Aitoi Inii kabang kito leisii leikado, kabi rasam aijangpii Inii sam kapungmei hangninii tiisii leile. Inii tam tang karam takum- piinii Inii lung disii tam wokabui jangpii riita khangpyiilo.
Kalui mah salam
21Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle. 22Gonyiinii nyiimah tingha tei timatu tang karam jangpii, sateichii gonyii lungtei tiimakhii pyii matutang karam jangpii mpougo Inii gonyiida katang lang magong leile. 23Kamalum tei njasii kamajung ninado lungkasyii tei Lungkasyii kangsanamei hang dakii Pfii Saraa ninado Jisu Kristanii pyii matulo. 24Nyii Bangpii Jisu Krista go kalui tiikasu lungkasyii teipii lungsyiisii kaleimei hang go Saraamah jumage kapyii tei kaswipyii matulo.
Currently Selected:
IPISAMEI 6: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
