2 KORENMEI 10
10
Tiilamlwi kapyiimei hangninii tiisii Pol mah teimaham
1Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile. 2Nyiigo pumzaimah jaitingshang taiswisii leilesii maning mashyiisii kaleimei kangkii phyiiryiikii Inii riishii kashyii pumtei tei mangou tanglesii maning malum kalei tei Inii kagong kak mangou matu kasu tiilosii Inii gonyiidato khangleile. 3Kadapokii nyiinii pumzaimah kamaning taiswisii saryii tiimakle. 4Kadapokii nyiimah saryii baitui hangteinii pumzaimah makle, nlenii saryii kateibam hang go tiimashyii kabui kamatei pumtei tei leile. 5Saraamah swirek katigo mazhii kasu detkadi doi kadang hang gotei nyiinii tiimashyiile, sateichii swi kamaning hangtei nyiinii ma- ringpouchyii chyiisii Kristanii katam swimatule. 6Sateichii matwi ma- sangsii katam kaswi tei gonyiinii nyiigo mangou sekchii, katam swikasu kata hangninii godo nyiinii dwitang karam jangpii tiikakada tei leile.
7Mahlyiihang mah pou jaitalui gotei gonyiinii jusii leile, mei kata hangninanii, ah ai Krista mahle katu tei ah roinapiinii ahgo malum leponii, ah roiniipanii nlailoisii swi mashak matulo, katunii, ahnii Kristamah katu takumpiinii nyiido Krista mahle. 8Kadapokii gonyiigo tiimaga tiipak tang karam jangpii supiinii gonyiigo tiimadi tiimathang tang karam jangpii Bangpiinii pyii kabam nyiimah teimaham mah kaang kito Inii chengniikii detdiki tukido Inii nroutang karam gale. 9Inii ryii kalei gumah chiti aipiinii gonyiigo kahwi kalei takumpiinii ngou maturoule. 10Kadapokii ahnyiinii tamle, “Mpoumah chiti hang teinii maswile sateichii teile, nlenii mpou- nii mpoumah pumzai pungsii nyiikak haikalei kak teinii, mpou ai suile, sateichii mpou samtam hangteinii samah kado makle.” 11Gonyii dato dhiisii kalei tinglang kak nyiinii larekpii katam tei, nyiinii gonyiida kagong kakdo tha tiile katu ai tei kakum meinii timatulo.
12Kadaponii ahnyii roinapii ahnyiigo tam matoisii kalei ahnyii mei kangkii gotei kaswisii nyiinii mpou mpou roinapiinii mpougo safii fiihai tang karam mak-kii poi ka-nda tang karam mah makle. Nlenii ahnyiinii ahnyii roinapii hangninanii hangniniigo thaam kaju kak, satei- chii ahnyiinii ahnyii roinapii hangninanii hangninii go poi ka-nda katu kak, ahnyii teinii kadaziikapii swigapo! 13Nlenii pyii kabam kamazhii ret doiteito majusii nyiinii detdi lakle, nlenii Saraanii nyii dakii pyii kabam kamazhii ret tei nyiinii majai tangle sateichii pyii kabam kamazhii ret teilung tei gonyiido leile. 14Sateichii pyii kabam kamazhii ret teilung kito gonyiido leikatu taiswisii, nyiinii Kristamah kabi rasam pungsii gonyiida kagong kak, pyiikabam kamazhii ret teihang doito majusii nyiinii tat tumakle. 15Mei kakimeimah tha hang kito, pyii kabam kamazhii ret doito majusii nyiinii detdi makle, nlenii gonyiimah kamalum tei moibuibuitu sekchii, gonyii kak kito nyiimah lubam tei disii tiimadi tangle katu ai nyiimah kamalumle. 16Ai ai pat takle leponii nyiinii Koren sazyii tat majusii bamhang kikii kabi rasam tei tam ralipyii wobuile, mei kaki hangniniimah lubam kikii tiikabam tha jangpii det kadi tei gasii.
17“Detdisii kalei ah teinii, Bangpii jangpii detdi matulo,” 18Kadapokii ah roinapiinii ahgo tam kamatoi mei gotei lukaipyii makle, nlenii Bangpiinii tam kamatoi mei gotei lukaipyiile.
Currently Selected:
2 KORENMEI 10: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
