2 KORENMEI 9
9
Mah kagamei jangpii tiikaha
1Kadapokii Judiya kito kalei kamateimei dakii tiikahamah kaang kito Inii gonyii dakii ryiimak kido bile. 2Kadapochiinii gonyiinii tiiha kanyii tei Inii tile, teipiinii Inii gonyiimah kaang kito Mesidoniya kito kaleimei doito detdile, katunii Akaiya kito kalei kangsanameinii, ntaikumto tiiha tang karam jangpii datii wotakle sateichii gonyiinii lungliitsii tiikanyii teipiinii ahnyiigo lung tiimatu pyiitakle. 3Aitoinii gonyii jangpii ai kaang kito nyiinii detkadi tei kakadak samtam tiimatulak tang karam jangpii, nlenii Inii tam kabam takumpiinii gonyiinii gonyiimah tiikaha tei tiikada tang karam jangpii, ai kangsanamei hang aigo Inii lang magong leile. 4Nlenii Mesidoniya kito kalei mei kangkanii n-gu kaswi gongsii gonyiinii tiida kasu tei gong ngouwo leponii, gonyii- mah ka-nrou tei toi aisii, nyiinii kadaziikapii nrou tangpo; kadaponii gonyiigo malum gatsii kalei kiteito! 5Teijangpii gonyiinii pyiitanglesii tam kabam tei, reipii tiida matu tang karam jangpii ai kangsanamei hang aigo gudoi reisii gonyii dakii lang magong matusu shyii taklesii Inii maning takle. Teitii leponii Inii kagong kaktei tiikada kabui jangpii sateichii gonyiinii pyiisu shyiile katu jangpii pyiisupanii, gonyiinii pyii kanyii jangpii pyii leile katu tei mangou kabui jangpii.
6Kaangnii aile; chengniikii rali kakai mei teinii chengniikii rachet tangle, sateichii moisii rali kakaimei teinii moisii rachet tangle. 7Mei- hangnii kamadak katupii mak-kii tiikamajyii hangninii kangto tiisu- piinii, mpounii sat kalu kamaning taiswisii, mei nsang nsangnii pyii- tang karamle; kadapokii nta ntasii kapyiimeigo Saraanii lungsyiile. 8Gonyiinii gonyii jangpii kamarei hangtei tinglang kaleita doumatu tang karam jangpii sateichii kabi tha hang jangpii buikatusung kisii dou- matu tang karam jangpii, gonyiinii kamareisung kisii Saraanii pyiiwo buile. 9Aitiisii ryii kabam takumpii:
“Mpounii marouhou mpatle, mpounii mah kagameigo pyiile;
mpoumah kasang kamajyii tei kalui tiimakle.”
10Sateichii lwi karalimei dakii lwirou ninado chiitak jangpii tiirok kapyii Saraa teinii gonyiimah lwirou hangtei pyiido pyiitangle, tiido tii- madipyii tangle sateichii gonyiimah kasang kamajyiimah rachet tei bimatupyii tangle. 11Tinglang kaleita kamathii katu gasii meigo pyiiti kabui jangpii mpounii gonyiigo tii- manipyii tangle, kadapokii teitei- piinii nyii dato ahnyiinii doukalu gonyiimah kapyii hang jangpii mei hangkanii Saraago hakalang tam tangle. 12Kadapokii gonyiinii tiikalei ngam aipii kamateimei mah tang- kasu hangtei tiikaha roinii makle, nlenii Saraago hakalang katam hangkii kitei todo kisii tokryii nlem matule. 13Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle. 14Sateichii kaki jumage kapyii satoi tei Saraanii gonyiigo mangou kapyii jangpii gonyiinii tuksii lungkasyii teipii ahnyiinii gonyii jangpii riita tangle. 15Saraamah tampei kalak luha jangpii mpougo tam matoilo!
Currently Selected:
2 KORENMEI 9: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
