1 TIMOTHI 4
4
Kasang kasu ralikapyiimei
1Rangiinii matei sageisii tamle, katunii kana tinglangki mei kangkanii kamalum tei rat toi aitangle; ahnyiinii kasang kasu rangii hangnii katam tei jaitangle sateichii seitan hangmah rali kapyii tei switangle; 2ai ai kachuimei mah kabijai tiikanyii kito patle, sateichii ahnyiinii ahnyiimah kasang kama- jyii tikabui lungswi kikii miru kama- gang sagyiipii rusii kaleimei teile; 3ahnyiinii kalakna katiido namle, sateichii kamalum mei ninado kasang tikalumeinii tam kamatoi katam njasii tiimatu tang karam jangpii Saraanii tiikapyii chiitak tei ryiimatu tang karam jangpii kakhatsam pyiile. 4Saraanii tii mpat kapyii hangteinii kabile sateichii hakalang tei njasii poi woleponii, mazhii kalak samah kado gale. 5Kadapokii Saraamah samtam ninado kariita teipiinii tiimatei matule.
Krista Jisu mah kikaleimei
6Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle. 7Nlenii tam kakadak, Saraa haikasu meinahnii likalu kakadak rasam ki teito mpaa wolo. Nang goroinapii Saraago kama- ning kiteito tiiralilo, 8kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle. 9Tam kalei samtam ai matwisii lukai tang karam ninado malum tang karam jangpii kasangle. 10Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.
11Sam hang ai kakhatsii tam ralipyiilo. 12Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo. 13Inii gong kasuta, kabi rasam kafii kikii, tam katat kikii, karali kikii lungliitlo. 14Lung- kakalingmeinii tam ka-mpat sateichii katingmeinii go phyiiryiikii bah poikai katu tinglang kak, godakii pyiikabam, godato kalei rangiimah luha gotei kalet sulo. 15Mei hangnii gomah doitat kalei tha tei ngoukabui tiisii, aihang ai tiiralilo, teihang kiteikii goroinapii nangnii lung- pyiitoi ailo. 16Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.
Currently Selected:
1 TIMOTHI 4: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
