1 TIMOTHI 3
3
Charsh kito doimajang kapyiimei
1Tam kalei ai kasangle, katunii, meihangninanii charsh kito doimajang katatmei hangninii tiinyii leponii, ahnii tha kabi tei marei leile, 2teijangpii doi kamajaang mei teinii zeigo kafii kaga sapwimei hangninii mah naa katii lung kasana, ah roinapii ahpum jum kati, ache adok katii, juti kasumeigo lukakai, meigo rali kabuimei tang karamle, 3ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle. 4Mpou nahmeinii mpougo katam swisii, sateichii mahlyii hang kito sadzyii ngariit tiimatusii mpouki kalung mpung go ahnii tiigatpii jumatou kabuimei hangninii tiitang karamle. 5Kadapokii mei hangni- nanii mpouki kalung mpung go kada takumpiinii jutangpo katu tei tisu leponii, mpounii Saraamah Charshgo kada takumpiinii jutangpo? 6Mpounii tang ghang katii teipii sagoikhii sii (seitan mah samtak kitei liit kasu tiisii) seitan go takumpii tam mashyii matu kasu tiisii, ah ai kamalum kito sangting kaleimei tang karamle; 7Mpounii nrou sangamsii seitan mah mphee kitei liit kasu tiisii, sabato kaleimei hangnii mpougo sadzyii ngariit tiisii kaleimei hangninii tang karamle.
Charsh kito tiikahamei
8Tei takumpii charsh kito tiikahamei teiniido jairali bitangle sateichii lung matei tang karamle. Ahnyiinii jou hangkii saklakle, mak- kii sanahgo lunyiilakle. 9Ahnyiimah kamalum mah kamakum kathok samtei ahnyiinii kabi kashyii tikabui kamatei lungswi teipii jum tang karamle. 10Ahnyiigo reipii jaiju tang karamle, sateichii teito jaikaju tei ahnyiinii ngam woleponii, ahnyiinii nga ngamatulo; 11tei takumpii sapwimei teiniido jairali bitang karamle, sateichii samlat moilak tang karamle, nlenii ahnyiinii mahlyii hang kito lung manoi tangle, sateichii malum kabuimei tang karamle; 12charsh kito tiikahamei teinii nou hangninii roinii matulo sateichii mpou nahmeigo sateichii mpouki kalung mpung go tiigatpii jumatou kabuimei matulo; 13kada- pokii Charsh kito tiikahamah tha tiigatpii tiikalumei ahnyii teinii mpou mpou jangpii bam kabi satei- chii Krista Jisu dato kalei kamalum kiteito hangkapii maning kamalum tei doule.
Kamakum kadi
14Inii goda kalangsii gong tang- lesii maning malumle. 15Nlenii Inii poi mathang tuleponii, Saraamah kikalung mpung kito kada kakum jairali tat tangpo katu nangnii tiwo kabui jangpii, Inii godakii sam hang ai ryii leile...ki kalung mpung teinii ringkalei Saraamah lat mpat kalu- mei, kasangmah ki kacheng ninado sakui ki teile. 16Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle:
Mpounii meinah mah pumzai pungsii gong pyiile,
kasangle katu tei rangiinii mangoule sateichii sating gamlui hangnii ngoule,
mpou go luihang dakii tam ralipyii takle,
sateichii sazyii pouryii bamlyii hang kito malum wotakle,
sateichii pumtei kava kito sating gam pangkhiitu takle.
Currently Selected:
1 TIMOTHI 3: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
