1 TIMOTHI 2
2
Charsh kito mata tang karam
1Teijangpii karei reisang kito Inii tam katwi leile, katunii, nyiinii Saraago sadzyii ngariit tiisii sateichii koira gasii ninado majung makungsii lungtang karam jangpii, 2sagongbam ninado kasagoibam kito bamkaleimei hang jangpii, riita kakhang, kariita, kakimei hangninii jangpiinii kakhang sateichii hakalang sam katam hangtei Saraa dakii meihang jangpii tiipyiilo. 3Meihang go keipyii kanyii sateichii kasang gotei timatu kanyii, 4nyiigo keikapyii Saraamah mik doito ai ai ngoukabi ninado kamajyii teile. 5Kadapokii Saraa hangninii leile sateichii Saraa ninado meinahgo poigong nja kapyii hangniniido leile; 6mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile; 7teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!
8Teipiinii sapfiimeinii rakarhii sateichii n-gi tei gasii bah kamatei tei poimatusii bamlyii hang kito kariita tei Inii mareile. 9Teitakumpii, sapwi- meinii ache katii ninado ka-nrou tei tisii peimani kai kamajyii kai katu tei Inii mareile. Phyiitaam kakhi teipii, mak-kii sona teipii, mak-kii mai kating kamaleek teipii, mak-kii mai kating peimani teipii supii, tha kabi kabi hang teipiinii tiimatou matulo. 10Kanat kabi pwilesii tam kalei sapwimei jangpii ai ai tiimajyiile. 11Sapwimeinii lung kasana hang teipii rali matulo. 12Sapwimeinii ralikapyii mak-kii sapfiimei phyiiryiito teimaham kajum Inii mazhiimakle, mpoupeinii malhiilak tang karamle. 13Kadapokii Adamgo tii mpat reile, tei tainii Eve go tii mpatle; 14sateichii Adam go chuisii hemwo makle, nlenii sapwi mpei gotei chuisii hem wole, sateichii kem kama katiimei hangninii tiituwole. 15Nlenii sapwimeinii lung kasana tei njasii, kamalum kito, lungkasyii kito, sateichii kamatei kito taksupiinii leileponii mpoupei nah ka-mpung kito keipyii tangle.
Currently Selected:
1 TIMOTHI 2: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
