1 JON 5
5
Kristenmei mah kamalum
1Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile. 2Nyiinii Saraago lungsyiisii mpoumah kakhat- sam hang gotei kaswi kak, nyiinii Saraamah nahmeigo lungsyiile katu nyiinii aipii tile. 3Kadapokii nyiinii mpoumah kakhatsam hang go kaswi ai Saraago lungkasyiile, sateichii mpoumah kakhatsam hangteinii masui makle. 4Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile. 5Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?
Jisu Krista mah kaang kito sakchyii kapyii
6Dwi nei zai njasii kagong mpou tei aile, katunii, Inii Kristale, dwi teiroinii supii, dwi nei zai kaswisii gongle. 7Sateichii sakchyii tei rangiile, dapodinchii rangii teinii kasangle. 8Kadapokii sakchyii kapyii hangtum leile: rangii, dwi, ninado zai teile, sateichii hangtum ai hangninii tiisii sakchyii pyiile. 9Nyiinii meinah mah sakchyii poileponii, Saraamah sakchyii teinii kisii dile, kadapokii Saraamah sakchyii tei aile, katunii, mpounii mpounah sapfii mpou mah kaang kito sakchyii pyiitakle. 10Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle. 11Sateichii sakchyii tei aile, katunii Saraanii nyii dakii kalui kaga karing tei pyiile, sateichii karing tei mpounah sapfii mpouda leile. 12Nah sapfii mpougo doukalu ahteinii karing tei doutakle, Saraa nah sapfii mpougo doukasu ahteinii karing tei doumakle.
Kalui tiikasu karing
13Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile. 14Sateichii mpou dato kalei nyiimah maning kamalum tei aile, katunii, mpoumah kamaning taiswisii nyiinii mah kata kara khang leponii, nyiinii kakhang mpounii shiipyiile. 15Satei- chii nyiinii kakhang hang mpounii shiipyiile katu nyiinii tileponii, nyiinii mpou dato kakhang hangtei doutakle katu nyiinii tile.
16Mei kata hangninanii, mpou sanapiinii taitang gatang karam kem tiikalei ngouleponii, mpounii riita khang tang karamle, Sateichii Saraanii mpou dakii katai kaga mpat kasu kem katiimei jangpii karing tei pyiitangle. Taitang gatang karam kem leile, aimah kaang kito ahnii khang tang karamlesii Inii tam makle. 17Tiikama hang ai kemle, nlenii katai kaga mpat kasu kem leile.
18Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.
19Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.
20Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile. 21Lungkasyii nahmei, gonyii roinapii gonyii tingtumah param hang kiteito mpaa wolo.
Currently Selected:
1 JON 5: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
