2 JON 1
1
1Kalai kalu sapwi mpei ninado mpoupei nahmei dakii kating tiisii kalei Inii ryii leile. Inii gonyiigo kasang kito lungsyiile, sateichii I-roinii makle, nlenii kasang tikalu meihangnii dole. 2Nyii dato taksupii kalei sateichii kalui gasii nyiigo kaswisii bam tang karam kasang mah kaang jangpiile:
3Pfii Saraa dato sateichii Pfii Saraa nah sapfii mpou Jisu Krista dato, kasang kito, ninado lungkasyii kito, jumage kapyii kito, lungsyii kati kito, ninado kamajung tei nyiigo kaswipyii tangle.
Kasang ninado lungkasyii
4Nyii Pfii dato kakhatsam doukalu takumpii, kasang kito tatsii kalei gonyii nahmei kangkiigo ngoukalu kito Inii hangkapii ntale. 5Sateichii aitoinii, sapwi mpei, Inii go dato khang leile; kasatai kakhatsam Inii godakii ryiikalei takum makle, nlenii nyiinii doukalu tei ryii leile. 6Sateichii nyiinii mpoumah kakhatsam hangtai tei swisii katat ai lungkasyiile. Gonyiinii saroisekto shiikalu takumpii, tei taiswisii gonyiinii tat tang karamle katu kakhatsam tei aile.
7Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile. 8Nyiinii tiikabam hangtei gonyiinii maga supii gonyii- mah lhang katokryii tei doukabui tiisii, gonyii roinapii gonyii sakai wolo.
9Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule. 10Mei kata hangninanii gonyiida gongsii karali ai pung gongsu leponii, gonyiinii ahgo kikii lukai sulo, mak-kii ahgo salam kado pyiisulo. 11Kadapokii ahgo salam kapyii ah teinii ahmah tha kashyii hangtei dou njoile.
Kalui sam
12Inii gonyii dakii hangka ryii kanyii leikado, Inii larek ninado mukdwi ai jumlak takle, nlenii teitungpii, nyiimah ka-nta ai matwi mashang kabui tiisii Inii gonyiida gong gonyiigo ju kadousii karashii tanglesii Inii maning malumle.
13Kalai kalu lungkasyii go taikarhiipei nahmeinii n-go salam pyiileile.
Currently Selected:
2 JON 1: NAG2
Highlight
Copy
Compare
Share
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
