HLAHAI HLA 6
6
Dôngmatehaiin
1O nupanghai laia hmêl satak,
kho tiang mo ni lungdi kha a fe ta?
Nang kin zongpui theina hrangin,
Kho lampuia hin mo ni lungdi a ife nin hril ro.
Dôngmate
2Ki lungdi chu a’rhuana pâr mirimhoihai laia a fe,
irhuana va chum hrang le lili pârhai irkhôm hrangin.
3Ki lungdi chu ki ta a nia,
kei chu ama ta ki ni;
a sâhai chu lili pâr bila an fâhaia.
Hla ringana
Ruatharte
4O ki lungdi nang chu Jerusalem angin en ni hoia, Tirza#6.4: Tirza hi Israel khopui a nia, Jerusalem hi Judahai khopui, kho hoitak a ni.
khopui angin en hnông zât ni mak chea,
sipai puanzâr le irvoa roiinpui takhai ang ni ni.
5Ni mithai leh khan ni en no ro,
Suak anga omin a ni’rhmutir ngai sikin,
ni samhai chu Gilead tâng panga kêl rual chum angin an chânga.
6Ni hahai chu belra pâl tuiirsil zoi chakhai angin an ngoia,
a bo bopin an oma,
inkhat lua a fanga om om mahai.
7Ni bianghai chu ni puan lukhum hnuaia dalim khoi saihai ang a ni.
8Rêngnu sômruk le,
lâksîr sômriat le dôngmate tep zoiloi chu an oma.
9Khannisianlân inkhat vai ki lunginkhama,
ama chu vasute ang dôra sa a ni,
nupang murdi’n ama chu an inpâk ngaia,
Rêngnuhai le lâksîrnuhai khomin,
ama chu an inpâk ngai.
10Tu ngân mo a ini kôlirsal anga hong inlanga,
sortha anga vâra, misa anga irtêka,
ârsi de anga roiinpuitak khi?
11Almond thing irhuana ki zu fea,
Irhôra thing chiakhai en hrang le,
grep rânghai mo an cher nôk ta ti leh,
dalim kunghai pârvângin mo an fîm tah ti en hrangin.
12Khanchu ki’rtûng no lai takin,
Ki’rtha’n ki rêng tâlia khan a nin toitir tâka.
Dôngmatehaiin
13Kîr#6.13: Lâm tia irhlet a ni sa. ro,
kîr ro, o Sulam mi,
Kîr roh kîr roh nang kin en theina hrangin;
Dôngmate
Mahanaim lâm en ang rengin,
Itin mo Sulam mi kha en thei ni ta?
Currently Selected:
HLAHAI HLA 6: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
