HLAHAI HLA 5
5
Ruatharte
1O ki lungdi le ki rualnu,
ki’rhuan sûnga ki lûta,
rimhoi le mura-hai chu ki’rkhôma;
Ki uain tui le ki sehrât irhnutui chu ki ina.
Dôngmatehai
Rual lungthung takhaio!
fa unglân, in unglân,
lungkhamna nin inrui mâsenga chu.
Hla minlina
Dôngmate
2Ki zâl lai khomin,
ki milung chu a harkanga,
Ki lungthung tak khan a hong intôk e!
Ruatharte
Ni hon hong pe ro,
ki irngaiinnat ki lungthung,
ki vasu sêlna boi,
Ki lu irdo’n an duia,
ki samhai chu zân irzilin a’rdap zoi ta, tiin.
Dôngmate
3Ki sil le kai ki khek tâka,
itin mo ki innghâk nôk ta hrang?
Ki ke khom ki sôp tâk sikin,
Itho mo inbaltir nôk ki ta?
4Ki lungdi khan inkhâr ir-ônga a kut a hong rola,
a ni hong nâi tâk sikin,
ki lungrîl a châng tâka.
5Khanchu, ki lungdi inhong pe hrangin ki thoia,
ki kuthai chu mura tuiin a zunga,
Inkhâr kalna chunghaia khan,
ki kutpâr ata mura rimhoihai a zunga.
6Khanchu ki lungdi ta hrangin,
inkhâr chu kin hong pea;
Khannisianlân a lei fe tâka;
O, a’rhâi ki irngai nuam lam dân chu o!
Ama ki zonga, hmu ta ma unga,
Khanchu kin sama,
khannisianlân ite ni don ta maka.
7Khanchu khopui hrungtuhaiin an ni hmua,
an ni vîka, an nin phoptira,
khopui hrungtuhaiin ki puanhai an ni lâkpai pea.
8O Jerusalem nâinuhai,
nangni ki ngên,
chonginkungna nei roi,
ki lungdi kha nin hmu’n chu lungkhamnain a na a ni,
ti hi ama kha ni hril pe roi.
Dôngmatehai
9O nupanghai laia hmêl satak,
ni lungdi kha mi danghai nêka imo a danglamna a om uala?
Imo ama khan kha do dôra irkhêl a iom,
ni kuang chong kin inkungtir hrang?
Dôngmate
10Ki lungdi chu a hmêl a sain a sen iai iaia,
sîngkhat laia khan a satak a ni.
11A lu chu rângachak irthiangtak ang a nia,
a sam khom vaâk anga duk zon zon a ni.
12A mithai khom ivatedung kôla vasutehai anga omin,
irhnutuia sôp infâi taka om a ni.
13A bianghai chu mirimhoi bil,
rimhoi vuang ang a ni,
a hnerhai chu lili pârhai mura tui leh indui ang chu a ni.
14A kutpâr chu rângachak intuan,
topaz lunghlua siam kutsabi a irbuna;
a takpum chu sâihaa siam,
Safir lunga tuam ang a ni.
15A kehai chu sâilungvâr chopuihai ang,
rângachak irthianga phun ang a ni,
a mal lâng dân chu Lebanon tânghaia Sidar thing irsâng tak ang chu a ni.
16A ni, O Jerusalem nâinuhai,
ki lungdi chu inditom tak a nia,
chong tin laia ama chongbâi vai hi a thum tak a nia,
ama hi ki lungdi omdânhai chu a ni.
Currently Selected:
HLAHAI HLA 5: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
