HLAHAI HLA 4
4
Ruatharte
1O, ki lungdi,
ni hmêl satzia hi chu o!
ni puan lukhum hnuaia ni mit menghai hi lungkhamna an lang dânhai hi!
ni sam chu Gilead tâng panga kêl rual lênghai ang chu a ni.
2Ni hahai khom belrapu mul ep zoia tuiirsila hong suak ang a ni,
a bo bopin an hong suak vinga inkhat lua a binga om zel om mahai.
3Ni hnerhai chu samkhit hrui senhai angin an langa,
ni chong zoro khomin en a ihoi dân hi chu o!
Ni biangbokhai chu ni puan lukhum hnuaia a chok nor nor ngai.
4Ni ring khom Davida in irsâng angin irsâng kôkin a oma,
kha in irsâng kha sipai hrât takhai sângkhathai leh a bang kha irvôtir a nia.
5Ni’rhnu inhnihai khom sakhite inphîr ang a nia,
lili pâr bila fâk zong ang a ni.
6Zîng khorthi dâi a hong thoa,
zân inthim a hong vâr mâka chu,
mura le bero tâng chunga om mai ki ti.
7Ki lungdi ni savinga,
ite zel hi demna hrang zel om mak che.
8O ki lungdi,
Lebanon tâng ata kha ni zuiin lân,
a ni, Lebanon tâng chung ata kha ni zui ro,
A mâna tâng sîp ata zuang chumin lân,
Kâmkeibaknei le keiârsihai omna Senir le Hermon tânghai ata zuang chum roh.
9O lungdi le ki rualnu,
ni mitsîr leh ni ni ikâp le ni hner chokhai khan ki lungrîl chu ni lâkpai ving ta.
10O ki lungdi le ki rualnu,
ni lungkhamna khan ki râi nin fântira,
ni lungkhamna chu uain nêkin a thum uala,
mirim dang tin nêkin a hoitak chu a ni.
11O ki lungdi,
ni hnerhai khan khuaihnîng om ang dôrin,
ni milei chu keima ta hrangin dûttui le khuaihlutui ang a nia,
ni sil le kaihaia khom Lebanon mirimhoi dôr chu a om.
12O ki lungdi le ki rualnu,
nang chu irhuan sûnga irkhum ang ni nia,
Irhuan sûnga tuihnâr le irhuan sûnga tuirîlpût suak ang chu ni ni.
13Kha hmuna khan theikunghai a mônga,
Irhuana dalim kunghai anga omin,
ra satak neia ra suakin,
Hena le Spiknard thingkunghai leh.
14Spiknard le pâr mirimhoi dipar le thingzungthum#4.14: Thingzungthum ti hi theizôngsum ti kha a ni. thing mirimhoi tinrêng le;
mura le Aloe rimhoi chi tinrênghai leh.
15Nang chu irhuana tuirîlpût,
rungtui hring,
Lebanon ivatedung luang suak chu ni ni.
Dôngmate
16Tho’n lân, o hmâr tianga khorthi,
nang sim tianga khorthi hong sa ro;
Ki’rhuan hi hong sêmin lân,
a mirimhoihai a vuang indarh ual theina hrangin.
Ki lungdi chu hong sianlân,
irhuana thei tinrêng rahai hi hong fa ri se.
Currently Selected:
HLAHAI HLA 4: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
