HLAHAI HLA 3
3
Dôngmate
1Zân sôt ki zâlhmun chunga,
ki lunginkham tak chu ki zonga,
a ni ki zong ngota,
Khannisianlân hmu ma unga.
2“Atûn thoi ki ta,
khopui irfang ki ti,
kotsua le lamlian hmun tina ki lungdi chu zong ki ti,” ki tia.
Khannisianlân ama chu hmu ma ung.
3Khopui hrungtuhaiin an ni hmua,
an kuang, “Ki’rtha’n a ilunginkham kha nin lei hmu mo?
tiin ki’rdonhaia.
4Khan ki khêlhai zoi,
chomkhat hnunga chu ki’rtha’n a ilunginkham kha ki hmua,
ama chu ki chelkhaka;
infetir nuam ta ma unga;
Ka nu in tiang, sûnga ni vongtu tentana ki hon tungtir mâka chu.
5O, Jerusalem nâinuhai,
nangni ki ngên,
Sazukpuihai le sakhihai irhmingin chonginkung roi,
kin irditna hi nin buai loi hrangin.
Hla inthumna
Dôngmate
6Tu mo bepârthohai lai ata bero le mura lâka mirimhoi innam chot chota,
ramchâr ata meikhu inding hlot hlota hong tâk so?
7En ro, Solomona tâli a ni so,
Israel mi hrâthai laia irdoi mi sômrukin an hong izui a ni soh.
8Khandai an chôi chita,
irdoi thei mi inzen an ni;
mi murdi’n an khandaihai an konga an vong vinga,
zâna thil ichiomna sikin.
9Rêng Solomona khan a ta hrangin tâli a siama,
Lebanon tânga thing leh siam a ni.
10Khataka a chopuihai chu sumtaka siam a ni,
a dâp chu rângachak,
a toihmun dâp chu a dum inpôl leh siam a ni,
Jerusalem nâinuhaiin sataka an ikhông a ni.
11O, nangni Zion nâinuhai,
hong unglân, Rêng Solomona hi hong en roi,
ama chu dôngma a nei nî,
a lôm nia le a raifân nia,
a nu’n rênglukhum a inkhumtir kha a khuma.
Currently Selected:
HLAHAI HLA 3: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
