HLAHAI HLA 1
1
1 #
1 Rng 4.32
Hlahai hla Solomona iphua chu.
Hla inkhatna
Dôngmate
2Ni hmûr leh khan ni tumin lân,
Ni lungkhamna chu uain nêkin a sa ual sikin,
3Ni rimtui nang pol ngaitu hin
mirim hoitak a nei;
Ni’rhming chu mirimhoi irpai angin a vuang;
Khasikin dôngmatehaiin lung nang an inkham a ni hi.
4Ni kuang ni hruaiin lân, rot zel ei ti;
ki ta hrangin rêng nin lân,
ni tentana ni hruai lût ro, Ei raiinfân suam ei ta,
lungirthungna uain irhnik takin insuam ei ti,
dôngmate murdi’n lung nang inkhamhai khom sian.
5O, Jerusalem nâinuhai, ki duk nâkin ki hmêl chu a sa,
ramchâra Kedara puan in le Solomona puanzârhai angin ki isa a ni.
6Ki duk sika hin nin sit ual no’n lân,
misa’n a ni em induk sika a ni.
Ki nuchahaiin ki chunga an ningmur an insuma,
grep irhuana sintho hrangin an ni tîra;
ki taksa ir-enkolna hrang zoro nei ma ung.
7Nin hril ro, ni lungkhamna hi,
Kho tiang mo ni belrahai hôlin,
sûn laia kho tiang mo ni irngamtirhai hrang?
Nangma zongin belrapu danghai kuang ki
ichai vêl hrang ma ni?
Ruatharte
8O, nang nupang laia hmêl satak,
nin hriat no’n chu belra rualhai hnung kha suiin lân,
ni kêlhai chu belrapuhai puan in kôla lêng ri sehai.
9O, nang ki lungdi,
Faroa tâli kai ngaitu Sakorchal le sakor irla raifân angin,
pasalhai râi nin fântir a ni.
10Ni bianga sam kâia khan en an hoitira,
ni ringa lunghlu irtheihai leh khan.
11Khannisian nangma ta hrangin rângachak irthei le sumtak tukrivo nang siam pe kin ti.
Dôngmate
12Ki rêng chu a zâlhmuna a zâla,
Ki nard mirimhoi vuangin a kôl a kiang a sip zoi tâka.
13Ki lungdi chu ki rôpsuama a zâla,
ama chu Mura mirimhoi tak ang a ni.
14Ki lungdi chu irhuana pâr irbom lai angin,
Engedi grep irhuana pâr lai tak ang a ni.
Ruatharte
15O, lungdi ni hmêl sa lam dân hi chu o!
Ni mit khom vasu mit ang a nia;
Nupang
16O, ki irngâitak,
ni hmêl sa lam dân hi chu o!
A sân ki râi nin fântir,
ei zâlhmun chu durba hring ang ni a ti.
17Sidar thinghai chu ei miliang ni sian,
ei tukrophai chu meisâr thing ni an ti.
Currently Selected:
HLAHAI HLA 1: HRACLBSI
Highlight
Copy
Compare
Share
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
